Ka jingialang ki 7 Shnong

Shillong, 25 Nailur:
Ka jingialang jong ki Hynniew Shnong (7 Villages) Committee, kaba kynthup ia ka shnong Warmawsaw, Um kynsier, Nongdom Mawpliang, Umta bad kiwei kiwei ki shnong kan long ha ka 3 tarik Risaw, por 11 baje mynstep ha iing Dorbar ka shnong Warmawsaw.
U Asstt Secretary, u bah Edwin Dyia ha ka kyrwoh u la ong ba ka synjuk ka la kyntu ia u kontraktor (bah Lesstar Syiemlieh) uba pyntrei ia ka jingkieng Wahkhri Sohjaren kaba pyniasoh ia ka Ri Bhoi bad ka West Khasi Hills lyngba ka shnong Nongdom Mawphliang.
Katei ka jingkieng kaba jrong kumba 90 Mt, la sdang ban trei naduh u snem 2007 hynrei u kontraktor ula shu ieh khongreng bad ka tnad PWD ruh kam shym la leh eiei wat hadien bunsien ba la pynkynmaw ia katei ka kam ban pyndep.