Ka jingialang bad ki sengbhalang kaba larkam, ong u Mukul

Shillong, 15 k’lyngkot:
U Myntri Rangbah ka jylla Mukul Sangma u la ong ba ka jingialang bad ki 13 sengbhalang mynta ka sngi ka long kaba lar kam bad kaba seisoh shwa ban poi sha ka thong.
“Ka jingialang ka la kut ha ka jingsngew tynnad kaba don jingkyr men”, la ong u Mukul haba iakren sha ki nongthoh khubor hadien ba la wai ka jingialang bad ki 13 tylli ki sengbhalang.
Dei ban shim kabu ia kane ka lad kaba don ka mon ba skhem ha ka sain pyrthei ym ha ki sorkar ba la dep, ba la heh tang ki ktien, la ong u Mukul bad bynrap, ba ka sorkar ka kut jingmut ban weng noh ia kane ka jingeh.
U la ong ba ki seng bhalang ki la mynjur ban pule bad bishar bniah ia ki ain ban sa ai da ka sorkar halor ka ILP. “ngin sa phah noh shen shen sha ki halor kane”, la ong u Mukul.
U la ong ba ka tnad ba dei peit ia kane, kan sa phah ia ki kot ain sha ki sengbhalang shen ban kin pule bad bishar bniah halor kane.
“Ngin iakynduh bad ki sengbhalang ban wad ia ki lad ki lynti ban weng noh ia kane ka jingeh, namar ba kane ka sorkar ka don ka mon jong ka sain pyrthei ban pyndep ia ka kam”, la ong u Mukul.
Ki sengbhalang kiba wan ha ka jingialang ki la pyrta “No ILP, No Rest” Khlem ioh ILP, ym nym shongthait’ haba ki mih na secretariat.