Ka jingiakop niah kali ka Shillong Endurance bad ka MACS

Shillong: Ka Meghalaya Aids Control Soceity (MACS) ryngkat ka Shillong Endurance Motorsports Club, kan pynlong ia ka jingiakop ñiah kali ka 3rd Shillong Endurance Motorsports Challenge 2019 naduh 14 haduh 16 tarik mynta u bnai ha Iew Shyllong ha Umtyngar.

Ki khusnam na bynta ki 4by4 ka long T. 1 lak, T. 50 hajar bad T. 20 hajar, katba ia kiwei pat ki kyrdan iakop kan shong ha ka jingwan ki nongiashim bynta.

Ka jingthmu jong kane ka jingiakop ñiah kali ka long ban pynsaphriang ia ka khubor halor ka jingpang ñiangkulia (AIDS) bad ban leit shah test ia lade. Kane ka jingpang ka long kaba ma haduh katta katta ia ka jingim jong u briew uba ngat ha kane ka jingpang. Ki la khmih lynti ban poi bun ki nongiashim bynta namar ba mynshem snem ki la wan bun bha.

Ki jingiakop ki long ka 4 by 4 Modified, 4by4 Stock, Motocross kali saw shaka, non gear (scooter), down hill na ka bynta ki bycycle.