Shillong: Ka Shillong Lajong FC kan iakhun ia ka jingialekai kaba khadduh ha ka I-League 2017-18 pyrshah ia ka East Bengal FC ha ka 5 tarik Lber ha JN Stadium ha Shillong por 5:30PM.
Ka Lajong ka la don mynta ha ka kyrdan basan da kaba kamai 21 point na ki 17 sien ialehkai. Ka la jop 6 tylli bad iakhaid 3 sien. Ka la thep 15 kol kynthup u Redeem Tlang, Samuel Kynshi, Samuel Lalmuanpuia, Abdoulaye Koffi, Saihou Jagne, Juho Oh, Laurence Doe bad u Daniel Odafin kiba la ioh ban thep kol ia ka Lajong.
Ka Lajong ka la pynliem ia ka Aizawl FC da 2-1 kol ha ka jingiakhun ha ka 19 tarik Rymphang ha Shillong.
Ka East Bengal FC ka ka kamai 29 point na ka 16 sien ialehkai. Ki la jop 8 sien bad iakhaid 5.
Ha kane ka jingiakhun ka Shillong Lajong ka donkam ban jop khnang ba kan kan don ha ka kyrdan ki 6 ngut ban ioh rung sha ka Super Cup.