Ka jingiakhih ki ACHIK, ka la poi, sha ka san sngi kynthih

Shillong:Ka jingiaid ka jingshah thngan ka seng ACHIK ka la iaid sha ka san sngi kynthih ban dawa nongbah tlang ha Tura bad ban phaidien ia ka jing pyntreikam ia ka Roster system ka Reservation Policy.

Ka ACHIK ka la ioh ia ka jingkyrshan na ki sengbhalang ba pher bapher na rilum Garo. Ka jingshah thngan ka la khring ia ki paidbah ban ai jing kyrshan kaba la pyn long ha pyrshah ka Mini Secretariat ha Tura.
Dang shen u Balkarin Ch Marak, u Co- Chairman ka Garo land State Move ment Committee, ula sdang tlot ha kane ka jing shah thngan.

Katkum ka jing tip, kawei ka nurse na Dakopgre Sub Centre ka la poi ha kane ka janmiet ban peit ia ka jingkoit jingkhiah jong u Balkarin Ch. Marak.

Hynrei kaba sngewsih ka long ba kam don kano kano ka jingleh eiei na ka bor district ne na ka sorkar. Kane ka la buh ia u dak jingkylli halor ka jingbym pushe ban phah khubor eiei halor kane.