“Ka jingiakhih 500 & 1000 ki Congress, ba la jan ka elekshon”

Shillong, 20 ’lyngkot:
Ka UDP ka la kynthah ba ka jingiakhih jong ka Congress ia ka jingpynduh 500 bad 1000 ka dei tang ka buit sain pyrthei namar ba la jan ka elekshon.
“Mynta ka dei u snem ka elekshon, baroh ki ialeh ban shim kabu sain pyrthei”, la ong u General secretary ka UDP u Dr Jemino Mawthoh halor ka jingiakhih ki Congress da kaba leit pyrta ha ophis ka RBI ha Shillong ha kane ka sngi Hatmajai.
U la ong ba namar ba ka dei ka snem jong ka elekshon, la iohi ba wat ka kynhun People Democratic Front (PDF) kaba ialam da u Bah Pynshngain ruh ka la khih ban pynkhreh ia ka elekshon. “Baroh ki pynkhreh ia ka elekshon 2018”, u la bynrap.
Lah ban kdew ba ki nongialam ka Congress kynthup u Rockybul Hussain u la ong ba ka party ka pyrshah jur ia ka sorkar NDA ba ialam da u Narendra Modi halor ka jingtuklar ia ka bor jong ka RBI.
“Ka jingweng ia u Lat ka RBI ban pynduh 500 bad 1000 bad ka jingkhang lad ban sei pisa ki briew ki dei jingdawa jong ngi ba la aiti ha ka RBI”, la ong u Hussain.
Katba u coordinator ka AICC ba peit ia ka Meghalaya u Takam Sanjoy u la ong ba ka jingpynduh ia ka 500 bad 1000 ka dei ka rai kaba bym lah ban pdiang.
U Sanjoy u la dawa ba ka sorkar pdeng ka dei ban pynshai paidbah ia ka jingioh lum pisa beain, pisa thok namar ba ka por ba la buh ka sorkar u Modi ka la kut mynta.ba ka por ba la buh ka sorkar u Modi ka la kut mynta.