Ka jinghiran pisa ka JHADC, dei ka jing bym ler ki nongialam

Ka kynhun Fight Against Corruption Team FACT, ha ka kyrwoh khubor ba la pyllait da u Chairman u bah WN Dkhar u la ong ba ka jing aidaw u CEM ka JHADC iaki nongtrei jong ka ka long tang ka buit ban pynjai jai iaka jingiakhih ki nongtrei ka Council daka ba ong ba ka sorkar jylla kam pat ai iaka bhah jong ka Council kaba dei ka khajna naki marpohkhyndew bad ruh dakaba Ong ba ka sorkar jylla ka long diengpyngkiang namar ba kam ailad iaka JHADC kan thaw kino kino ki lad ki lynti ban pynmih khajna iaka Council.

Katkum ba la kdew ha ka Sixth scheduled ha ka para 12 a ka constitution kong ka Right kala kdew shai ba lait noh tang kano kano ka ain kaba iatynkhuh ne iasriem bad ka ain jong ka jylla,ki Autonomous Council ki lah ban thaw kino kino ki ain kiba lah ban wan rah iaki jingmyntoi bad ka roi ka par, hynrei kaba sngewsih ha ri lum Jaintia ka long ba u nongialam ka Executive Committee ym shem la leh ia la ka kam ram hynrei la shu long si samkhmut ha khmat ki myntri ka sorkar jylla bad ym sngewthuh iaka bor ba la bynshet ha u.

Kum ban shu pynkynmaw ba ha ka 2 tarik July 2008 ka Executive Committee kala rai ban ai NOC ia kawei ka karkhana dewbilat da kaba buh kyndon ba kane ka company ka happy siew khajna sha ka Council ia ki mar baka pynmih ne ki finished products,hynrei kaba sngewlynngoh pat ha kine ki sngi ba ym don officials records ba ki kharkhana dewbilat ki siew khajna sha ka JHADC ia kino kino ki mar baka pynmih ne finished products bad haka juh ka por ki kyndon bala buh daka council ki iapher kawei ka company na kawei pat. Kane ka long ka daw tynrai jong ka jingbym iohi jngai ki nongialam barim bad haduh kine ki sngi ki nongialam ba thymmai ruh ki shu iabud tynneng ia ki jinglehthurmur jong kiba mynshwa shuh shuh lah ban kdew ruh ba dang ha kine ki snem ba la leit ka JHADC ka la pynieng artylli ki khyrdop lum khajna ha ka kyrteng ban peitngor ia ki Kali bar jylla, ki bym biang ia ki kot ki sla kum ka trading license bad kiwei, hynrei ka la paw tyngkrein ba ki dei tang ki khyrdop lum pisa jong ki katto katne ngut ki MDC’s kiba don ha ka bor kiba pyrkhat tang ialade khlem da pyrkhat iaka lawei ka Council.

Shuh shuh na ka liang ka FACT ka la ong ba shen ngin sa sei madan iabaroh ki jingjyrsih ha shwa ka JHADC kan ngam jyllop.

From

Mr.WN Dkhar

Chairman

Fight Against Corruption Team

FACT.