Ka jingheh kpoh, ka pyllait im, ia uwei u nong China

Ki don bun ki riew heh kpoh, kiba ju ijli bha ia la ka jong ka jing at ka kpoh jongki, hynrei ka jing at kpoh, ka la pyllait im ia uwei u nong China.

Utei u briew, u dei uba kyrteng U Liu bad u dei uba khia 121 kilo.

U Liu, u leit hap ha ka thliew, kaba tap ia kawei ka pung ha ka shnong Luoyang, kaba don ha Yichuan, jong ka jylla Henan, kaba ha China. La iathuh ba utei u briew, uba 28 snem, u iarap ia la ki na ka bynta ban tap bha ia katei ka pung bad katba u dang kyrdem ban pyndap ia ki niut ba kin hap sha katei ka pung, ka la shu plied kynsan ka jingtap jong ka pung bad mar kumta, ula hap jlang shapoh.

Hynrei namar ba ka dei ka jingtap kaba rit, ki la rung tang ki kjat jongu, haduh ha syngkai, katba ka kpoh jongu, namar ka la heh bha bad hangta ula sah kut sbak bad kumta, um shym la hap satia baroh shi rynieng ia katei ka thliew.

Ki pulit kiba iarap ia kiba mynsaw, ki la leit mar mar sha katei ka jaka bad ki lap ba U Liu, ula sahkut shiteng ka met jongu, hynrei, um shym la hap satia baroh shi rynieng, namar ba ka kyrshan ka ka jingat jong ka kpoh. La lap ruh ba um shym lei lei bad u lah ban pynkhih ia la ki kti bad la sei ia u, da kaba suk khlem pyn mynsaw eiei, da kaba tan ia ka met jongu, da ki tyllai na katei ka thliew.