Ka jingduwai ha ing u bah Lapang

Shillong,13 Risaw:
Ka kynhun duwai jong ka MIZPHA Prayer Fellowship kiba wan na Kuwait, Canada, Chennai bad Pune, ba kynthup ia u Pastor.K.T.Thomas, Brother Rijo Thomas, Pastor Prashant Kruvilla, Brother Roshan Thomas, Brother Roy Abraham ryngkat bad u Fr.Baby Thomas na Shillong ki la leit ia kynduh ia u bah D.D Lapang ha ka 12 tarik mynta u bnai ha ingsah jong u ha Sherwood Bungalow, Bishop Cotton Road, Shillong.
Katei ka kynhun ka leit kylleng ka ri India ban duwai ba kan jingsuk kan long sha baroh ki nong India, ki dang shu wan na ka jylla Arunachal, Nagaland bad mynta ha Meghalaya bad kin sa leit ruh sha kylleng ki jylla ka ri India. Ki la pynlong jingduwai ryngkat bad u bah Lapang ba u blei un ri un sumar ia kane ka jylla bad un ai ka shongsuk shongsain.