Ka jingduk, ka la nang jubor ha India, mynta ka hiar sha ka kyrdan kaba 107 ha ka pyrthei

Ka India, ka la nang hiar arsut ha ka jingduk, ha kaba mynta ka poi ha ka kyrdan kaba 107, na ka jingdon jong ki 121 tylli ki Ri jong ka pyrthei, kaba la tip ka Global Hunger Index 2022 bad nangta, sa ka jinghiar jong ki khynnah, ha ka jingkhie jingsan, kaba long da 19.3 per cent, kaba dei ka jinghiar kaba sha trai duh, ha ka pyrthei baroh kawei.

Ka Global Hunger Index (GHI), ka dei kaba ai jingkhein, ia ka jingduh, ka jingshong khlem bam jong ki nongshong shnong ha ka pyrthei, ha ka ka thain bad ha ki ri bapher jong ka pyrthei. Ha ka jingkhein, kaba 29.1, kumta ka pyni, ba ka jingshah thngan ha India, ka dei kaba jubor shi katdei.

Ha Asia, ka dei tang ka Afghanistan, kaba wan sha trai jong ka India, ha kaba ka wan ha ka kyrdan kaba 109, katba kiwei pat ki Ri ba marjan, kum ka Pakistan (99), Bangladesh (84), Nepal (81) bad ka Sri Lanka (64), kiba wan baroh shakhmat jong ka India.

Ha u snem 2021, ka India, ka wan ha ka kyrdan 101, na ki 116 tyli ki Ri, katba ha u snem 2020, ka wan ha ka kyrdan kaba 94.

Ki ri South Asia, ki dei kiba bun bha, ki briew kiba im khlem bam bad ki dei ruh ki ri, ha kaba kiba khain ne ki bym san bha, ki dei kiba bun eh, ki khynnah ha ka pyrthei hi baroh kawei.