Ka jingbujli myntri ha ka seng NPP, kan shong ha ka rai jong u State President, ong U Conrad

Shillong: U Myntri Rangbah ka jylla u Conrad K Sangma, uba dei ruh u shongknor ka Meghalaya Democratic Alliance (MDA), ula ong ba ka jingbujli myntri ha ka seng National People Party, ka shong ha ka bor jong U President ka seng ha Meghalaya bad ula ong shuh shuh “Ia kata yn ym lah ban kren ei ei namar kane ka shong ha u State President jong ka party NPP ban shim ia ka rai”.

U Conrad K Sangma u la ong ruh ba ka jingbujli ia ki myntri ha ka sorkar kan shong ha ki party kiba don hapoh ka sorkar bad na ka liang jongu, um don ei ei ban kren halor ka jingbujli ia ki myntri, hynrei kan shong ha ki party ba kin shim ia ka rai jong ki iano ban bujli,

U la ong ruh ba lada ki party kiba don ha ka sorkar MDA, ki tyrwa, na ka liang jong u kum u myntri rangbah, un pdiang ia kaei kaba ka party ka rai.