Ka jingbthah na ka Deputy Commissioner jong ka South West Khasi Hills

Shillong:Hadien ba la pynbna Containment zone ia ka Jhalupara, Nongrimmaw Block-D, Mawlai Umjaiur, Laitkor Pyllun, Mawlai Nongpdeng, Mawlai Mawtawar, Oakland Municipality Quarters, Kreit Mawshaton Village, Mawbah Barapathar, Umshing Umjapung, Mawiongrim, Nongrah Dongktieh, Malki Nongshiliang, Malki Chinapatty, Lower Lachaumiere, Lower Lummawrie, Rauf Ahmed Building, Nongmynsong Umkdait, Central haduh Lower Nobgrim Hills, Lumshyiap bad Block II Lumpyngngad kum ka containment zone, ka Deputy Commissioner jong ka South West Khasi Hills, ka la pynbna ba kino kino ki nongtrei sorkar jong kane ka thaiñ kiba shong ba sah bad ba trei ha kine ki containment zone/area naduh ka 18 tarik u Naitung ba kin sngewbha ban pyntip sha ka District Control Room mar mar bad ka la bthah ruh ba kin shong ha ïing bad ban leh ia ka quarantine ha la ïing haduh da pynbna da kumwei pat.

Ka la kyrpad ruh ia kiwei kiwei kiba na ka South West Khasi Hills kiba trei sha kiwei pat ki district ba la ioh ia u COVID-19 ba kin pyntip kloi kloi sha ka ophis jong ka Deputy Commissioner, Mawkyrwat.