Kumba u Lyngdohsad Dominic Jala naduh ki por ba u dang don lang bad ngi ha kane ka sla pyrthei u ju ban bha ban sumar, iada ia ka mei mariang, khamtam ha kine ki khyndiat snem ba la leit. Ka long ka deiti jong ngi ki khun mynsiem jong u ban sumar khuid khlem da pynjakhlia bad bret pathar ia ki jaboh jabaiñ mynta ka sngi khamtam ia kito ki ban wan sha ka jingleh niam bad ka jingtep don burom ia u.
Lada thik ngi bud ia ka jingsneng kaba u ai ia ngi kumno ban sumar khuid ia ka mariang kane kan dei ka jingai sngewbha kaba kordor tam mynta ka sngi kaba ngin ioh ban ai ia u Lyngdohsad.
Ka jingbret pathar ia ki jaboh jabaiñ khamtam ki plastic bad kiwei de kiba pynjakhlia ia ka mariang ka long kaei kaei kaba u Archbishop u kyntu ba ngim dei ban mlien kum ki Khristan. Ha ka prosishon ïukharist ha u snem 2017 bad 18 u Lyngdohsad u kyntu tyngeh ba ngi dei ban pyntikna ba ngim dei ban long ki nongpynjakhlia ia ka mariang.
Te kumta mynta ka sngi kum ka burom ba ngi ai ia u Nongsharai ba la leit shong duh ha ïing u Blei to ngin bud ia ki jingsneng kyntu kynpham kaba ngi la ioh pdiang na u Lyngdohsad ban sumar khuid ia ka sawdong sawkun bad ban ym pynjakhlia ia ka mariang.
Evangelist Nicholas Khongwar
Phi don ban ong eiei?