K.Chakrabarty
Kum ki kali ba tang wan sah miet sha shnong
Ka jing wan jong phi mynta,
Ba nga tip ba phin leit phai noh tang da step ha jaka ba dap da ki jing kwah thymmai jong phi.
Ha kine ki snem baroh ba la leit
Katno sien ka pyrthei jong ngi ka la iaid tyllun sawdong ia ka sgni
Ba man la ka por, ka la shon-dak ha ka jing im jong nga,
Ha kine ki snem baroh ba la leit
Ba nga la teh skhem ia ki jingkynmaw jong ngi, ba nga la dah na ki liur ki tlang_ki por baroh
Nga la lumlang ia ki jingkwah baroh,
ba kan phoh syntiew shisien
Ban ioh kham ia ka kti jong phi ha kawei ka jingshai mynstep
ba phyrnai.
Nga tip, ka por ka hikai ia ka jaitbynriew baroh
Ba ka jing kwah jing khlain ki briew ka long ba lyngkot
Ka lynti jing im jong phi ka la phai shawei mynta
Phim long ba phi ju long…nga tip
Kum ki kali ba tang wan sah miet sha shnong
Ka jing wan jong phi mynta,
Nga tip ba phin leit phai noh lashai.
Biang