Ka jing synreit um dawai, ha ki surok, kam pyniap ia ka corona, ong ka WHO

Ka World Health Organisation (WHO), hynnin ka sngi, ka la ai jing maham, ba ka jing synreit um dawai ha ki iing ki sem, lane ki surok kali, kam don jingmut eiei, namar ba kam pyniap satia ia ka jingpang khlam coronavirus.

Ka kyrwoh jong ka WHO, ka ong “Ka jing synreit dawai ha ki surok bah, kumba la leh da ki katto katne ki Ri, kam pyniap satia ia u khniang coronavirus”. “Ha ka jingshisha, ka dei ka jingma kaba khraw ia ka koit ka khiah” ong ka WHO. La ong ruh ba ki surok, lane ki maw kyndon, kim dei satia kiba ki khniang jingpang, ki don ha kitei ki jaka.