Ka jing pynjari ia ka korphiw, ka dei ka lad iada, ki eksamin kin iaid beit:MR

Shillong: U Myntri rangbah ka jylla u Conrad K Sangma, u iathuh ba ka jingpynjari ia ka korphiw ha ka nongbah Shillong, ka long kawei na ki lad ki lynti ban iada.

Haba ia dei bad ka jingleit thoh eksamin ki khynnah, na ka liang jong u myntri rangbah, u la iathuh ba ha kaba sdang ka don ka jingthut, hynrei ia kane ka lah ban pynbeit na ka bynta kito ki khynnah kiba leit ban thoh eksamin.

U la iathuh ruh ba ki eksamin ki baroh kin iaid beit ha ka ba na ka liang ki pulit ki la long ki ba peitngor bha ban wanrah ia ka jingshong shngian bad ha kine ki jaka. Na ka liang u Myntri ba dei peit ia ka tnad pule puthi u ma Lakmen Rymbui, u la iathuh ba ki eksamin jong ka board kan iaid beit, ha ka juh ka por.

Ha ka juh ka por u la pynshai shuh shuh ba ka Admit Card kan long ka korphiew pass ia kiba ia leh eksamin bad ar ngut ki nongsynran sha ki jaka thoh eksam.