Shillong: U Fr. Pius Shadap uba dei u Co-ordinator ka Funeral Committee Shillong Archdiocese u la pyntip ba ia ka met jong u (L) Archbishop Dominic Jala la khmihlynti ban kan poi ha LGBI Airport ha ka 20 tarik October 2019, kata ha ka sngi u Blei ban wan.
Ha kane ka jingpdiang burom ia ka met jong u Archbishop Dominic Jala, ka Archdiocese jong ka Shillong ka la pynbeit na ka bynta ki riewngeit kiba kwah ban leh donburom ia ka met jong u, naduh na lynti Airport shaduh sha Mawlai Parish. Kumta yn shah tang 10 tylli kiba na Diocese ban rung sha Airport, bad ki kali kiba sah pat la kyrpad ban bud ia ki jingpynbeit kiba long kumne. Na ka bynta ki riewngeit kiba na Byrnihat la kyrpad ba kin ia lum lang ha Jorabat bad ban leit on lang shaduh sha Parish. Ia ki riewngeit kiba na Nongpoh Parish la kyrpad ban ialum lang ha Byrnihat Parish bad leit on pat haduh ha Nongpoh Parish. Ki riewngeit kiba na Umsning Parish, la kyrpad ban ialum lang ha Nongpoh Parish bad leit on ia ka met ha Umsning Parish. Bad ia ki riewngeit na Mawlai Parish la kyrpad ban ialum lang ha Umiam bad leit on shaduh sha St. Dominic Savio Church Mawlai Parish.
Phi don ban ong eiei?