Ka jing laitluid ba shisha ka India, ka dei naduh ba wan ka sorkar U Modi, ong ka Kangana

Ki riew sain pyrthei, na ki seng bapher, ki dawa na U President ka Ri, ba un weng noh ia ka khusnam Padma Shri, ba la ai ha ka Kangana Ranaut, ka actress Bollywood. Ka daw, ka long namar ba ka Ranaut, ka kam, ba ka jing laitluid jong ka India, naduh u snem 1947, kam dei satia ka jing laitluid ba shisha lane kaba shu ai da ka jing sngew synei.

Ka Ranaut, ka kam ba ka jing laitluid, kaba shisha, ka wan ha India, naduh u snem 2014, ha ka por ba ka wan ka sorkar jong U Narendra Modi.

U Anand Sharma, nongialam ka seng Congress, haba kynthoh, halor katei ka jingkren, ula kynnoh, ba katei ka jingkren, ka pyn kyndit shibun bad u dawa ruh na U President Ram Nath Kovind, ba un shim noh ia katei ka khusnam Padma, kaba la aiti sha ka Ranaut.

Kiwei ki nongialam jong ka Shiv Sena, ka AAP, ki la kren pyrshah jur, halor katei ka jingkren ka Ranaut bad ki la ujor ruh sha ki pulit, ba kin tian bishar ia ka.