Shillong: U MDC ka Pynthorumkhrah Constituency u bah P N Syiem u la ong ba ka jingiakhun election na ka bynta u snem 2023 hapdeng u bah Alexander L Hek, u ba long u MLA kane ka Constituency bad u kan long ka ba itynnad bha namar ba u sngewtynnad hi ban ialehkai ia ka game kaba eh.
“Ka jingdon u bah Alexander L Hek kum u MLA kan pyn sngewtynnad ban iakhun ia ka election ha u snem 2023 namar ba ka game hi ka sngewtynnad ban ia khun lada ka eh khnang ba ki nongpeit kai ruh kin sngewtynnad ban peit kai”la ong u bah Syiem.
Ha kane ka sngi kaba na ka liang u bah P N Syiem u la pyniasoh biang ia lade bad ka party Congress, u la ong ba ka party hi ka ba lah ban wanrah ia ka jingkylla ha u snem 2023 kan dei ka party Congress.
Na ka ling u bah P N Syiem u la pynskhem ba ha u snem 2023 ka jingia khun election jong u kan long na ka Pynthor umkhrah Constituency ym dei na Mawsynram.
“Namar ba nga la sah ha pynthor te ka party kan pynphai sha pynthor hi ,bad na Mawsynram ngam don jingmut shuh ban ia khun namar ba hadien ba nga la jop MDC na Pynthorumkhrah nga sngew ba nga la long jan ia ka ne ka Constituency.
Halor ka jingshimti u bah V.H Pala kum u nongialam rang bah ka Seng u la ong ba kala don ka jingpyrshang jong ki ba bun ki MLA ka Congress ban mih noh na ka party hynrei hadien ba la don ka jingshimti jong u bah Pala kum u President ka la long skhem shuh shuh.
Haba kylli halor ka jingdon ki ba bun ki ban wan phai ha ka Congress u bah Syiem u la ong ba ki ba bun hi ki dang peit ia ka rukom pyniaid bad ka rukom iasyllok jong ki nongialam ha ka ba iadei bad ka jingrah ia ki mat ki ba donkamjong u paidbah.
“Ngi kyrmen ba ka jingtrei bha jong ka party Congress ha ka jylla bad ka jinglah jong ka ban rah ia ki mat ki ba donkam kan pynlong ia ki ba bun ba kin wan phai biang sha ka party”u la ong.
U la bynrap ruh da ka ba ong ba ki party kiba rit hi haka jylla kim lah ban leh eiei namar ba kum ba long mynta baroh ki party ki ba ia synrop lang ha ka sorkar MDA ki la phail ha baroh ka bynta kumta nga tharai ba ka party hi ka ban wanrah ia ka jingkylla kan dei tang ka party Congress”.
Phi don ban ong eiei?