Ka jing ia kawang ktieh halor ka rukom ai jaid kmie bad ai jaid kpa ha kine ki sngi thnam bha, khamtam hapdeng ka KHADC kata lyngba u CEM bah Titos Chyne bad ka synjuk ne kynhun kaba ai jaid kpa ka SRT,
Kane ka jing ia kawang ktieh jong ki ka imat kan lam sha kawei pat ka bynta kaba kham shyrkhei, kaba lah ruh wat ban poi iing lieh iing saw, bad kaba kham shyrkhei ka long ba ka lah ban lam sha ka jing phiah ia ka jaidbynriew arliang wak.
Nga kum u Wei na ki nong Shong shnong ka jaidbynriew Khasi nga sngewkhia ia kane ka bynta, ioh kan lam sha ka jing ia pait ia pra kum ka jaidbynriew ba rit ba tang shi troh, nga wanrah hangne ka jing ai jingmut ia baroh arliang manla ba kin don ka jing ia tai ia phylliew jingmut baroh arliang, ym ban shu pynksan ba tang ka jong kaba dei hynrei ka jong kiwei kaba lait suda.
Ka jing ai jaid sha ka Kmie ka dei kaba la don naduh myndai mynthai, la pynskhem ruh lyngba ka Khasi Social Lineage act 1997, hynrei ka jing mih jong ka Kynhun Syngkhong Rympei Thymmai kaba ai jaid kpa, kiba la wanrah ha ryngkat ki rukom pyrkhat bad dustur ba Thymmai kala pyn kulmar bad i kumba ka jaidbynriew Khasi kan sa pait sa pra bad wan ka Klim sih bad shong sang ha ka jaidbynriew lymda kum ki nong ialam Kim treh ban wan sha ka jing ia mir jingmut baroh arliang mamla.
Kum u nong Shong shnong ka jaidbynriew nga shu ai jingmut khnang ban lait na ka sang ka ma, kito kiba ai jaid kpa ka district council ka dei ban ithuh ia ki kum ki Khasi ba ai jaid kpa, tangba kin hap ban bud ryntih da kaba hap ban tang jaid thymmai, ym ban shu shim ia ka jaid jong ki kpa.
Ka jing tang jaid ia ki khun ba ai jaid kpa ka long kaba donkam eh, khnang ban ithuh ia ki pateng bad longdien baroh ba kine ki dei kita ki khun ai jaid kpa, bad ba yn ithuh ia ki kum Khasi ba pura.
Kein noh ka jing ia kawang ktieh ia shun ia tim para jaid para kynja, hynrei wan sha ka jing ia kren da kaba thaw ki lad ki lynti ban ia pynbeit.
RG Warjri, Umroi Nongrah, Ribhoi District
Nga Kum uwei u khun khasi khara wat la nga dang poh karta, nga Don ban pashat jingmut lem khyndiat halor Kane ka phang kaba ktah ia ka burom ka ijot Jong ka jaibynriew khasi pnar. Lehse, kiwei pat ki jaibynriew ba nabar kin sa ia rkhie bein ia ngi Lada ngin ngin ia sngewthuh jingmut Kum ka jaibynriew. Balei haba la tang ia Kane ka riti dustur naduh mynbarim da ki kmie ki kpa tymmen balei ngi dang Kwah ban thaw thymmai ne pynkylla. Ha nga hi nga Kwah ba ngin bud beit ia ka rukom leh jong ki longshuwa. Khnang ba kan ym mih ka sang ka ma ha ka jaibynriew.
ki ba la long Khristan kim dei ban phah tang jait. ki kynthei ne shynrang ba shim tnga da u ne ka dkhar ruh ki dei ban duh bad kmie bad kpa bad khun ia ka jinglong khasi ryngkat bad ka khyndew ka shyiap.
Shuwa ban ïa kdew kti ,to ngam jylliew sha trai jong ka jingkyrpang kyntang ka dustur ka riti jong ka jaidbynriew U Hynñiew Trep Hynñiew Basa.
Ka Tipbriew TipBlei
Ka Tipkur Tipkha
Ka im da ba Hok Kamai ïa ka Hok
Kine ha neng kidei ki thymmei jong ka longbriew manbriew jongngi. Lada bakla na kine , la bakla lut ka jaidbynriew, khamtam ha ka shongkha shongman. Dang ha kine ki khyndiat sngi la mih ka khubor ba tang na ka daw ba ai jaitkpa, poi ïa shongkha shipara. Kane ka sang ka ma kaba U Blei ym lah ban map namar u la adong la mana lypa naduh basdang ka pyrthei.
Kyrpad ïa phi ki para khun U Hynñiew Trep ban nym pynpait khiewja ïa ka jaidbynriew da ka dustur u nongwei ïoh phi kit shikhoh ka pop bad shah tim ha pateng ban wan
Ngim lah ban khang ia ka mon laitluid ki briew, Lehse ki don tang khun shynrang kim kwah pynduh iaka pateng jong ki, ki lah ban ai jaitkpa da kaba bud ryntieh ia ki kam shongkha