Ka jing bym leit rah ia ka CAB ha Rajya Sabbha, dei ka jingshah jop ka Assam, ong U Himanta

Guwahati: U Himanta Biswa Sarma, ula ong hynnin ka sngi, ba ka jing bym pynrung ia ka Citizenship Bill (CAB) ha Rajya Sabbha, ka la dei ka jingshah jop kaba khraw ia ka Assam bad ula ong ruh ba khlem katei ka iing, kin don 17 tylli ki Assembly Constituency, kin pynjop ia ki Muslim kiba na Bangladesh.

U Biswa Sarma, uba dei u myntri pla pisa ka Assam bad u nongialam ba rangbah jong ka seng BJP ha katei ka Jyla, u dei ruh mynta u nongialam jong ka  North East Democratic Alliance badu kren shai ba ka seng kan iai bteng ia katei ka ishu bad kan iakhun ia katei ka elekshon ruh, halor jong katei hi mat.

Katei ka bill, ka la long ain hapoh Lok Sabbha, ha ka 8tarik Kyllalyngkot 2019. “Nga ngeit ba da kaba khlem leit rah ia katei ka iing ha Rajya Sabbha, ka dei ka jingshah jop kaba khraw ia ka Assam. Khlem katei ka bill, kin don 17 tylli ki Assembly Constituency, ha kaba kin mihkhmat da ki Bangladeshi Muslim” ong U Sarma. “Mano shuh ban iada mynta ia ki Assamese” ula pynkut.

Ka NDA, kam don ia ka jingbiang briew ha Rajya Sabbha, kumta kam lah ban wan rah ia katei ka ain, hynrei kan sa wan rah biang, ynda haba ka BJP, kan don ha ka jingbiang briew, ula ong shuh shuh.