Shillong: Mynta ka sngi na ka liang ka sorkar Jylla ka la ai lad ia ki paid bah ba kin ioh ban thied ia ki mar bam, ki jingdonkam ha ing ha ryngkat ka jing kyrpat ia ki dorbar shnong ba kin peit ba ki briew ki ba wan ban thied ia ki mar bam kidei ban pynlong ia ka jing iajngai iwei na iwei (social distance).
Hynrei ha ki sngi ba ka sorkar ka pyllait ban thied ia ki marbam la lap ba ki briew kim ju sngew donkam ban bud ia ka jing bthah ka sorkar bad don na ki katto katne ki dorbar shnong ki bym kwah satia ban ia snoh kti bad ka sorkar ban pynpeit bad pynsngewthuh ia ki paidbah ia ka jing don kam ban bud ia ki jing bthah ka sorkar.
Naduh ba pynbna ka jing khang shnong ha ka 24 tarik u Lber 2020 da u myntri rangbah duh ka Ri u Narendra Modi ha kylleng ka ri ki paid bah ha ka ne ka jylla ruh ki la iasnoh kti lang ban teh lakam ia ka jingpur sted jong ka jing pang Civid-19.
Hynrei ka jing kylli ia u wei pa uwei u nong shong shnong kane ka jylla. Hato ka don jing myntoi ban iasnoh kti ha ka pakhang shnong haba ha ka por ba ki pynlait ban thied mar bam ki pynkhein ia ka jing bthah jong ka sorkar? Kane jing bym shim khiah jong ki katto katne ki dorbar shnong kam buh ia ka jylla baroh ka wei ha ka jing ma?.
Hooid ha ka por ba dang sdang ka pakhang shnong ki don ki jing eh ha ka ba ki don ki jing duna ha ki mar bam hynrei kat haduh mynta ha ki shnong ki thaw suki suki ka la poi ka mar bam bad ka por ba ka sorkar ka pynlait ka long ka ba kylluid ban ioh ban thied ia ki mar bam khlem da don kam ban ia knieh ne ban ia kyrkieh namar ka ne ka jing bthah jong ka sorkar ka dei na ka bynta ka koit ka khia jong u briew ha ka jylla baroh kawei.
Ka jing bym kit khlieh bad ka jing bym ia snoh kti jong ki katto katne ki dorbar shnong ha ka sngi pynlait ia ki paidbah ban khang ia ki paid bah na ka jing ialum shijaka ha ki jaka ban thied ia ka marbam ka pynleh noh ei lut ia ka jingtrei shitom jong ka Sorkar jylla.
Hooid ngi lah ban shim ba ka jing khein sting jong ki briew kane ka jylla ban bud ia ka jing bthah ka sorkar ka lah ban long ba u khniang jing pang Covic-19 um pat poi ha ka ne ka jylla, hynrei ka jingbthah jong ka sorkar ka long kum kawei na ka jingpyrshang ia ka jing mlien ban iada ialade lada kane ka khlam ka wan ha ka jylla jong ngi.
Kumno kein ngam sngewthuh ba dang don pat hi ki bym shem la ioh kato ka jingiarap ia ki khynnah ba sah kut sha bar state namar i prlk jong nga ruh i sahkut sha Gujarat hnrei pat ioh eiei. Hato ki ai tang ia ki ba ka sorkar ka mon ne tang kiba dnbok.