SS Marwein
Ka Ri Khasi jong ngi ka la dei ban pynkylla noh wut wut ia ka rukom ai jait sha u Kpa na ka kmie, namar ka rukom ai jait sha ka kmie ka la pyntroin bad pynshong sang ia ka jait bynriew jong ngi. Mynshuwa nga juh iohsngew ba ki ju ong ba kane ka jaid bynriew jong ngi ka long kaba kyrpang. Hynrei kane ka rukom ai jait kmie ka la pynjot, pynjah ia kata ka jinglong kyrpang u Khasi jong ngi, namar u Khasi ym long shuh u Khasi uba kyrpang, balei nga ong kumne, namar u Negro, u Phareng, u Dkhar, u Chaina bad kiwei kiwei ki jaid bynriew jong ka pyrthei kiba wan shong shnong ha Meghalaya ki ong ba ki dei ki Khasi namar la kha ia ki da ki kmie Khasi bad ki ioh ia ka jaid jong ka kmie bad ki long Khasi katba ka dur ka dar ka met ka phat jong ki pat kam iahap satia bad ka jong u Khasi. Hynrei ki kam ialade ba ki dei ki Khasi bad im ruh kum ki Khasi. Dei hangne ba ka jaid bynriew jong ngi kam long kyrpang shuh kunba ju ong ha ka por hyndai hynthai.
Ka jingai jait sha ka kmie ka la pynlong khyllah ia ka jaid bynriew jong ngi ha kane ka sla pyrthei.
Lada thaw ia ka kynhun shipai jong u Khasi, kan pyni thamula shisha ha ka pyrthei namar kiba don ia ka dur Negro, Nepali, Bihari, Chaina, kin long ki shipai Khasi, kiba ym iadei shuh bad kiwei pat ki jaid bynriew jong ka pyrthei kiba don ia ka dur ka dar kyrpang jong kato hi ka jaid bynriew.
Ka jingai jait sha ka kmie ka la wanrah ia ka pap ka sang kaba khraw bha ha ka jaid bynriew Khasi jong ngi ha kaba kiba shipara trai ki poi ban ia shongkha para maki. Balei nga ong kumne namar uwei u shynrang briew haba u shong lok ia 10 (shi phew) ngut ki kynthei kaba ka jait jong kita ki kynthei ki iapher iwei na iwei pat bad ki dei na la ka jong ka jong ka shnong. Kine ki kynthei baroh lada ki ioh khun na uta u shynrang briew mar 3 (Lai) lane 5 (San) ngut ki khun, ynda haba kine ki khun jong ki ki la heh bad wan pule lane trei ha sor ne ha kano kano ka jaka lada ki poi ban ia itynnad para maki lane wat ban ia poi shongkha para maki, namar ka jait jong ki ka iapher iwei na iwei pat kim sngew shong sang ha ka shongkha shongman bad lada ki poi ban ia shongkha para ma ki kaba mut ki ia shong sang namar ha ka jingshisha kine ki ia long shipara trai namar la pynkha ia ki da uwei u briew (Kpa) hynrei shu iapher tang ki kmie ba kha ia kine ki khun. Hato kane kam dei ka kam kaba sang bad kaba pop tam ha ka pyrthei, ha kaba kiba shipara trai trai ki poi ban ia shongkha bad kane kan nang iai long bad nang iai jia katba dang mih ki sngi lada ngim pynkylla noh wut wut ia ka rukom ai jait jong ngi sha u shynrang ha kane ka juk jong ngi mynta kaba jyllei ki kynthei kiba shah pynkit khunrei.
Ka Ri Khasi jong ngi ka la jan duh jaid ka jinglong kyrpang ne jinglong tynrai jong ka jinglong Khasi jong ka lada ngin nang iai pynksan ia ka rukom ai jait kmie.
Ka Ri Khasi ka la mad shibun ki jingeh da kaba ngi ai jait sha ka kmie, ka jingroi ki kynthei kiba shah pynkit khunrei, ka jingroi ka jingshongkha khynnah, ka jing bymlah ban khang ia ka jingshongkha jong ki nongwei ia ki khun kynthei Khasi jong ngi tang na ka bynta ka khaii pateng, ka jingbym neh ka spah ka phew na kawei ka pateng sha kawei pat.
Ko ki kynthei Khasi kiba stad, ba shlur bad ba trei shitom, ka la dei ka por kaba biang bha na ka bynta jong phi ba phin ia mih madan ban pynbha pat ia kane ka jaidbynriew Khasi jong ngi kaba la jan duh jait ka jinglong kyrpang ne jinglong tynrai jong ka da kaba pynbor ia u shynrang Khasi ba un shim sha lade ia ka jait ka khong ban lait na ka jingkit khunrei ki kynthei, ban iada na ka jingpyniashongkha shipara ia ki khun ki kti jong ngi, ban lait na ka sang ka ma, ban iada na ka jingshong kha khynnah, ban iada na ki nongwei ban shongkha ia ki khun kynthei jong ngi tang na ka bynta ka spah ka phew, ko ki rangbah kur bapher bapher, kyndit bynriew noh shim noh ia ka jait ka khong sha u shynrang ban ngin long biang ka jaid bynriew kaba kyrpang. Haba ong u Khasi dei ban dei u Khasi ym shuh u Negro, u Phareng, u dkhar ne u chaina u ban ong ba nga dei u Khasi ba ioh jait kmie katba kiba pynkha ia kita ki khun pat dei u Negro, u Phareng, u Dkhar ne u Chaina.
Ko ki MDC jong ngi shna noh da ka Ain ban ai jait kpa ba kan iaid beit iaid ryntih ka rukom shim jait jong ngi ki Khasi ban ioh pyrto ki longdien jong ngi ia kane ka pateng bynriew mynta.
Ka por ka dang biang shuwa ban ngin sa jah noh ha la ka ri lajong.
Kane te da lei2 kam lah ban long kumno ngin pynlong kyrpang iaka jaid bynriew haba ai jaid kpa haba kala ka jait bynriew jongngi kadei kaba la kyrpang lypa kane ka plan te kaba pyn pharia pynban iaka jait bynriew lada ngim pyrkhat bha
Ka jait bynriew khasi kam dei kaba kyrpang kumba ia kam ki ba bun ki khasi kiba dang dum ki bym pat shemphang ,namar ba ka jait bynruew khasi ka leh pyrshah ia ka ain u Blei ba katkum ka Bible ka pyni shai kdar ba u symbai bad ka snam ki wan na u kpa ym na ka kmie ,hynrei ka jait bynriew khasi pat kam burom kat ia ki jing saindur jong u Blei uba im u Blei ki israel u Blei u ba khraw bad uba donbor tam halor baroh kiwei pat ki Blei ha pyrthei baroh hynrei ki burom pynban ia u briew ka briew kiba thaw ia kane ka dustur ba biej tam ha sla pyrthei ba khyllah tam ba kynsha tam ,ha ka jaka ban burom kat ia u Blei ..bad ha kajuh ka por ruh ka jait bynriew khasi ka long kumba ka ai jait pynban sha ka khyndew ,ha jaka ban ai jait sha u symbai kumba long ka nuksa ia ki jing jingthung haba thung da uno uno ruh u jingthung yn mih da u jingthung jong u symbai uba dei jong uta hi u jingthung katkum u symbai hi ym da uwei pat ..te na kata kadaw ka jait bynriew khasi ka pyni shai kdar ba kadei kaba khyllah kynsha tam na baroh kiwei pat ki jait bynriew ha pyrthei namar ka leh pyrshah ia kat ka jingbuh bad jing saindur u Blei ba khaw bor tam u Blei ki israel u Blei uba donbor tam halor baroh kiwei pat ki jait Blei ha pyrthei baroh ..na kata kadaw ka jait bynriew khasi ka long kaba sahdien tam ha baroh ki jait kam baroh ban ia nujor tang bad kiwei pat ki jait bynriew para riewlum ruh kiba ai jait kpa .
Kamut ka bible kadei kaba pynsahdum iaka jaitbynriew khasi jongngi pleng mo, haduh ba kimtip shuh iaka jinglong kyrpang lane tynrai lajong,tang naka daw ba ki pule ia ka bible.To kyndit bynriew noh Khun khasi khara lane Khun hynñiew trep ban lait na ka sang ka ma kiar noh ban pule iaka kotbah ki phareng (bible)namar baka pynlamwir iaka jaitbynriew khasi ban lait na ka jingjah rngai ka jaitbynriew bad ban im ka jaitbynriew khasi nylla jongngi junom la junom phi dei ban kiar noh ban pule nangne Sha phrang .kane ka paw Shai ba kiba buaid jaitkpa ki lah lamwir dei lyngba ka bible kaba ki pule na kata kadaw ki lah Shu sahdum Da kaba pynshit ha social media kum ha ka Facebook group (Na Lympung ka ri khasi bad haka Antor) khubor khasi bad ha kiwei kiwei de.kane ka kynhun jaitkpa kadei ka kynhun pynpait jaitbynriew kamdei ka kynhun ka ban pyniatylli mlon iaka jaitbynriew khasi ritpaid jongngi ,Nakata kadaw ki paid khasi kidei ban husiar bha ioh ki ngat ha ka ruh jongki nongshun jongka jaitbynriew khasi ban lait naka jinglong kyrpang hapoh ka pyrthei Shi tyllup.
Kane kadei ka jingpynpaw Da ki jaitkpa ba ki pule na ka bible bad ki sa pynpaw badei ban aijait Sha u kpa ,Ngam dei ba nga beiñ ha ka jingshisha .kito kiba mane ia u jisu kim don hok ban tuklar ianga Lada phim sngew iahap phi dei ban tuklar ia ki jaitkpa ,namar kito kiba ialap jaitkpa ki pynpaw Shai kdar ba ki bud iaka Bible ,na kata kadaw ki kwah aijaitkpa kaba khlem nongrim katkum ka dustur_riti,tynrai(culture) bad ka Niam jongka jaitbynriew khasi jongngi naduh hyndai hynthai .ha ka jingshisha ka bible kam don jingiadei ei ei Ruh em bad ka jaitbynriew khasi jongngi.hato kumno kin ialap jaitkpa lyngba ka bible Bad ba kin ong ba ki mynshwa longshwa jongngi ki dei kiba aijaitkpa haba ki pule iaka bible?
Peit ia ki jaitbynriew hajong ,rabha etc.hapoh ka jylla Meghalaya kaba aijaitkpa ka paw ne em? Kren kulmar than re ba sngewbeit ban pule iaka jingthoh jongphi
Nga ruh nga sngewiahap bha iakane kajing aijait Sha u kpa …namar hajing sngew jongnga hi shimet …kajing myntoi aiu ia nga u kpa ban long syiem khlem ka Hima ….. Lada trei ruh ioh kur kajait kiwei …..u khun khatar bor ruh u leit bud kynthei bad sahkut Sha ing kynthei…..
Haoid dei shisha kaba phi ong nga sngew iahap shisha kata .baroh shi kata ngi juh ong ia ki wei ki jait khyllah jait hynrei ka bha ba ngin peit shwa ia lade dei ma ki ne ma ngi ba mih khyllah baroh ka pyrthei la tip ia kata.ka bha ba ngin pyrkhat bad kyndit bynriew noh mynta.
Nga sngew iahap namar kylleng satlak ka pyrthei ka long kumta …
Nga ruh nga ia hap jait kpa namar ki khasi mynhyndai ki la shu bud tynneng ia Jong u phareng hi ki Ong ba ki mih hi thaw mano ia ki kumno kumno ngi long dur ka juh bad kiwei para briew ha kano ka dur ngi khot kyrpang pyni bad pynshai ngi kyrpang kumno. Mynshwa ki Ong u shynrang khasi ha ing ka lok u shu leit thiah sngewbha bad pynkha u leit phai beiñ sha ing kur ym sah hangto ki khun Jong u ri ki mama Jong ka lok dei hadien ba wan u phareng hi yn sa tip ban sah bad ka. Ha nga te nga pyrkhat ba ki shuh pynwan dur ia ngi ki briew bad kiei tip kynmaw ba ngi dei jingthaw ba kordor Jong u Blei ngim dei ban pynksan ñia da ki briew mynta kiba lap mied tangban ia kdew kti.