SS Marwein
Halor katei ka phang ba la kdew haneng, ngi kum ka jait bynriew Khasi kaba shisur shidur, kaba hok ba shida, mar shu ia pule ia ka heading najrong ngi la i ngiah lypa, namar ngi pyrkhat ka dei kaba ym lah ban long, kaba ym lah ban pdiang ha ka imlang sahlang jongi ngi u Khasi, namar ngi ngeit ba kane kan wanrah ia ka shongkha kulmar parakur para jaid bad ioh don ka jingshong sang ha ka shongkha shongman ha khmat u briew ha khmat u Blei.
Halor katei ka jingsngewthuh bakla, nga shu kwah ban pashat jingmut kumne, lada ia ki khun yn ai noh da ka jait jong u kpa, ki khun jong ki khun shynrang jong ngi kin long shikur kum ka nuska lada u kpa u dei u jaid “A” ki khun jong ki khun shynrang jong u ruh kin ioh la ka jait “A” katba ki khun kynthei jong u jaid “A” hadien ba ki shongkha ki khun jong ki pat kin ioh noh ia ka jaid shu ong “B” “C” “D” bad kumta ter ter. Wat lada kine ki khun jong ki khun kynthei jong ka jaid “A” ki iapher makna ka jait, hynrei kine ki ia long shi bakha namar ki kmie jong ki ki dei ki shipara bad kim lah ban ia shong kha.
Kumba long ha por ba dang ai jaid sha ka kmie, ki khun jong ki khun shynrang kiba iapher ka jaid hynrei ki ia dei shi bakha namar ki kpa jong ki ki long shipara kim lah ban ia shongkha para ma ki, hynrei ki khun jong ki khun jong ki pat ki lah ban ia shongkha para maki tad ynda la poi lai pateng bynriew. Kumjuh ruh lada ai jaid sha u kpa, ki khun jong ki khun kynthei kiba ia pher makna ka jaid kin yn lah ban ia shong kha para ma ki namar ki long shi bakha namar ki kmie jongk i ki long shipara, hynrei ki khun jong ki khun jong ki pat ki lah ban shongkha tad ynda la poi lai pateng bynriew.
Haba pynshong nongrim ia katei ki jingshisha, hangno kan don ka jingshong kha kulmar lane kata ka jingshong sang ha ka jingshongkha.
Ha nga marwei nga ngeit lada ka don ka jingshongkha kulmar lane ka jingshong sang ha ka jingshongkha ka dei ha kane ka por ba ngi dang ai jait sha k kmie namar uwei u briew uba leit lok shibun bad u ioh khun kat shaba leit. Hooid kine ki khun ki ia pher ka jait namar ba ki ai jait jong ka kmie. Hynrei kine baroh la ioh na u juh u kpa, kumta kine ki long shipara trai namar dei na u juh u kpa shu iapher tang ki kmie ba kha ia ki. Kine ki khun ynda ki la heh, haba ki ia kynduh sha kiwei pat ka jaka kin yn tip ba la pynkha ia ki da uwei u kpa, namar ka jait jong ki ka ia pher bad lada jia ba ki poi ban ia shongkha para ma ki. Kaba mut ba kine ki ia shongkha shipara namar ki mih na u juh u kpa shu iapher tang ki kmie ba kha ia ki. Hato kane kam dei ka pop kaba khraw ba ki shipara ki poi ban ia shongkha da kaba ai jait kmie kum kane ka juk ba bun kiba ioh khun rei. Hynrei lada ai jait kpa kan ym don kum kane. kan ym don kata ka jingshongsang ha ka shongkha shongman namar lada ai jaid sha u kpa, ki khun jong ki khun kynthei kiba iapher makna ka jaid kin yn lah ban ia shongkha para ma ki namar ki long shibakha namar ki kmie jong ki ki long shipara, hynrei ki khun jong ki khun jong ki pat ki lah ban shongkha tad ynda la poi lai pateng bynriew.
Ha nga marwei, kine ki dei tang ki daw kiba buh maw jynthut ban pyndkhoh ia ka jaid bynriew jong ngi.
Phi don ban ong eiei?