Ka jaka theh niut, haba don ki maw bynna

Shillong,
18 Rymphang:
Ka jaka ba la buh ia ki mawbynna ka la kylla long ka jaka theh niut naduh ki snem ba la dep, hynrei ki bor pyniaid ki leh kum bym iohi. Ki Mawbynna ki dei kawei naki culture ne dustur u hynniewtrep naduh u longshuwa u manshuwa, nga tharai baroh ki paidbad kumjuh ruh ki bor sorkar ki la ju iaid lynti na thain stand Bhoi (pahsyntiew parking lot); ha kaba bun ki la iohi ba ka jaka ba la buh ia ki mawbynna ka long kaba pynhiar dor ia ka kolshor jong ka jaitbyn riew,namar ha syndah ki mawbynna hi la pynlong jaka theh niut.
Ka jaka marpyrshah jong ka jaka ieng kali Bhoi (pahsyntiew parking lot), ka la kylla long ka jaka leit bar jong ki paidbah la bun bun snem mynta ka ba wanrah ka jingma haka koit ka khiah bad ka pynhiar dor ruh ia ka akor ka burom, khamtam eh ba ki bun ki kali ki ba iaid na kane ka jaka, ha kaba ki longkmie, ki kynthei ki hap ban iaid lyngba. Ka KHNAM, namarkata ka kyntu ia ki tnat ba dei peit (SMB) ban shim khia bad ban leh kyrkieh ia kaba donkam ha kaba iadei bad kine ki artylli ki jaka.