Ka jaka sum ha Nongtalang

Amlarem,18 Nohprah:
Ka Nongtalang Khlachympa ka hap hapoh jong ka Amlarem Sub-Division jong ka thain War Jaintia mynta ka sngi ka la plie paidbah ia ka painkhana bad jaka sum kaba itynnad na bynta ki nongshong shnong jong kane ka shnong ia kaba la plie ia kane da u Lyngdoh jong ka Raid Nongtalang u Ma Min Lyngdoh kum u kongsan ha ryngkat ka jong don u Ma Holando Lamin EM JHADC bad u Emerald Lyngdoh (u Lyngdoh Korbar Nongtalang ) kum ki Synbud kongsan ha kane ka sngi, I kong S.Pohsnem Chairperson PNK , I Ma Tennyson Rymbui Secretary SSNK, I Ma Du Myrchiang Secretary Nongtalang Village, ki Riewrangbah bad ki paidbah nongshong shnong jong kane ka shnong.
Ia kane ka Public Lavatory la ioh lyngba ka MDC Skhim 2015-2016 ia kaba la wan rah da u EM JHADC u Ma Holando Lamin bad ryngkat ka ia noh synniang lang jong kane ka shnong. Bad ia kane Public Lavatory la pynwandur bha iaka bad ka jingitynnad jong kane ka Public Lavatory ka la ia ryngkat bad wat ki Hotel ba paw ha ki Sor naduh ka jaka leit shabar haduh ka jaka sum ka jing pynwandur ka la long kaba itynnad.
Ha shwa ban plie ia kane ka na ka liang u Ma Holando u la ai ka jingiaroh ia jing trei hok jong nongkitkam jong ka ne ka shnong ia kane ka skhim haduh ba ki la lah ban pyndep ia kane ka Public Lavatory kaba itynnad da u kyntu ia ki paid nongshong shnong ba ki dei ban sumar ia ka namar ka jingdon jong kane ka Public Lavatory ka wanrah ia ka thong jong ka jing khuid jingsuba hapoh Shnong poh thaw bad da kaba u ong shuh shuh ia ki nongkitkam ba ki dei ban don kata ka mynsiem ia tylli na ka bynta ka bha ka miat jong ka imlang sah lang da kaba u la ong ruh u la long Uba la kloi ban ia trei lang bad kino kino ki jingeh jong ka shnong katba u lah.
Haba phai na ka liang u kongsan u Ma Min Lyngdoh, Lyngdoh jong ka Raid Nongtalang haba u ai jingkren na ka liang jong u ruh u la ai ka jingiaroh ia ki nongkitkam shnong ba ki long kiba ia tylli na ka bynta ki kam ba bha jong ka im lang sah lang da kaba u ong u ka jingdon jong kane Public Lavatory hapoh Shnong ka long ka jingmyntoi shibun eh ia ki paid nongshong shnong khamtam ia u duk u suk bad ka wanrah ruh ia ka jing khuid jingsuba bad u la kyntu ruh ia ki ha ka juh ka por ba ki dei ban ban don ka mynsiem ia map kylliang ia kiei kiei ki jing bakla ki paralok khnang ba ki kam shnong kam thaw kin long kiba iaid beit iaid ryntih da kaba kyntu shuh shuh ia ki khun samla jong kane ka shnong ba ki dei ban don ka akor ka burom khnang ba ka lawei jong ka shnong kan long kaba phyrnai.