Shillong:U Director ka tnad ka koit ka khiah, u Dr Aman War u la ong ba ka oxygen Generator kaba 600 LPM plant kaba dei ka plant ka ba heh tam kan sa wan poi ha Shillong ha ka 25 tarik mynta u bnai bad kin wanrah lyngba ka liengsuiñ na Delhi.
Ha ka juh ka por, namar ka don ka jingdonkam jong ki Oxygen ha Civil Hospital, Shillong ka sorkar ka la dep ban pynbiang ia ki 6 tylli ki Generator kaba pynmih 45 LPM, kawei kaba la treikam naduh kane ka sngi nyngkong kane ka long na ka bynta ki 25 tylli ki jingthiah jong ki nongpang ha Covid wing jong ka Civil Hospital, Shillong.
Ha kaba iadei bad ka Civil Hospital,Nongpoh u Dr War u la iathuh ba ka Oxygen Generator ka la poi bad mynta ka jingshna mynta ka dang sah sa tang ban shna ia ki pipe ban pynpoi ia ka oxygen,ha ka ba iadei bad ka Oxygen Generator na ka bynta ka R.P Chest Hospital ka la poi ha Guwahati bad yn wan rah noh sha Shillong.
Ha kaba iadei bad ka Oxygen generator ha Ganesh Das Hospital ka plant ka la long ban pyntrei kam noh lashai ka sngi ka Oxygen Generator ha Ganesh Das Hospital, ha RP chest Hospital bad Civil Hospital,Shillong ki dei ba wan lyngba ka PM Care jong ka sorkar India.
Ki oxygen Generator na ka bynta ha Jowai, Tura bad Nongpoh ka dei na ka UNDP ha kaba kine ki dang don ha lynti ban wan poi bad la khmieh lynti ba hakine ki taiew ban wan la lah ban pyntrei kam ia kine.
La iathuh ruh ba ki oxygen Generator na ka bynta ha Khliehriat bad Umsawli, ki dei ba wan na ka sorkar india kin don ruh ki Oxygen generator ban wan na ka UNICEF ban pynbiang ia kiwei pat ki Hospital.
Kin don ruh ki Cryogenic Tank ka ba 13 KL plant kawei ha Umsawli kane ka dang iaid sha khmat ha ka ba 15 tarik u jylliew yn lah ban pyndep, kine ki plant ki ba lah ban pyndap ia ki 1000 tylli ki Cylinder shisngi bad kawei kan long ha Jengjal,Tura ka ba 20 KL plant ka ba la shna ha ka ba ar taiew yn lah ban pyndep bad kane kan lah ban pyndap 2000 tylli ki Cylinder ha ka shisngi.
U la iathuh ruh ba lada i donkam ka sorkar kan sa buh ruh ia ki 45 LPM plant ha ki CHC bad PHC, namar kine ki 45 LPM tang hapdeng shi kynta la lah ban shna ia ki haba la poi ki machine.
Phi don ban ong eiei?