Ka jaka buh metiap ha CHC ka pynlehrain ia ka Sohra:FKJGP

Shillong,20 Jymmang:
“Ka jaka buh met iap kaba don ha Cummunity Healtth Centre kaba don ha Sohra, ka dei kaba la pynlehrain ia ka shnong Sohra” ong u President ka FKJGP u bah R

L Nong rum ha ka jingiakren bad ki nongthohkhubor ha kane ka khyndiat sngi ba la dep

U President ka FKJGP  u la ong ba ka Sohra ka dei ka shnong kaba khring ia ki briew na kylleng ka pyrthei ym tang ki nongwan jngohkai hynrei wat ki ophisar bah eh baheh ki ju wan donkam

U bah Nong rum u la ong ruh ba ki don ki mem bad ki sahep ba wan na ki ri kum na amerika bad kiwei pat ki Ri Sepngi sha katei ka shnong kaba la bna nam kum ka jaka shangkai pyrthei, “Hynrei kyndit kyndit la da don kino kino ki jingiatyngkhuh kiba la ju jia ha ki snem ba la dep, lada ki briew ba na bar iap, ka long ka jinglehrain ban leit rah sha katei ka jaka buh metiap” ong u President ka FKJGP

U bah Nongrum u la pynkynmaw ba ha ki snem ba la dep, ka la don ka jingjia aksiden trok, ha kaba uwei u bar jylla u la iap bad la pynkit ia ka met iap jong u sha katei ka jaka buh metiap ka CHC Sohra, hadien kata u la ong ba ki la don ka seng ba la tip kum ka Sshillong Muslim Union , kaba la wan ban shsimti na katei ka metiap namarba u nongiap u dei u Muslim, bad kaba sngewsih ka long ba katei ka seng ka la kam ba uta u nongiap u la jah ki khmat, iathuh utei u nongialam sengbhalang

“Ngim kwah ba kum kine kiei kiei kin dang iai jia nangne shakhmat, kaba la wanrah ia ka burom ka ijot ka Sohra” ong u bah Nongrum uba la dawa ruh na ka sorkar ba ka dei ban shna ia ka jaka buh met iap kaba biang

Haba u nongthohkhubor, u la leit ban jurip ia katei ka jaka buh metiap ha CHC Sohra la shem shisha ba katei ka jaka buh metiap ka long ka bym biang, watla ki la don ki tin kiba sop hynrei ki don pat ki jaka na bynta ki tnum kiba shu lait rynghang , ka bym lah satia ban iada na u sla u phria

Ki jingkhangit kiba la pait lut ki iit bad ka jingkhang kaba tor

Lah ban pynkynmaw ba ha kine ki khyndoiat snem ba la dep , ka la don ruh kawei ka jingjia kaba ka men na Ri Sepngi ka la iap jyllop ha ki wah kiba don ha ki thain Sohra, hynrei la iathuh ba ia katei ka mem ym shym la wan kit sha CHC bad la pynkit noh sha Shillong, “Lada jia ba wanrah sha jaka buh met iap ka CHC, katno kan long ka jinglehrain shisha ia ka Sohra” bynrap shuh u President ka FKJGP

Nalor ki jaka beh metiap , ka FKJGP ka la dawa ruh ba ka sorkar ka dei ban pynbit pynbiang ia baroh ki jingdonkam ka CHC Sohra khang ba kan lah ban wanrah jingmynti ia ki paidbah ka thain