Ka JACATAM ka dawa shimti ia ka kam hikai, ym ia ka tulop

Shillong, 17 Jymmang:   Ka Federation of All Meghalaya Ad hoc Secondary School Teachers’ Association (FAMASTA) ka la pyn shai ba ka JACATAM ka dawa ban shimti ia ka kam nonghikai, ym ban pynkiew tulop.
Haba kren sha ki nongthoh khubor mynta ka sngi, ki dkhot ka FAMASTA ki la kyntait ia ka jingkam ban pyn sngewthuh bakla ia ki para nonghikai. Kine ki dkhot ka FAMASTA ki la kyntait ia ka jingmih khubor ba ki la buh sngi ban iakynduh ia u Myntri Rangbah ban iakren ia ka tulop. “Ka jingdawa jong ngi ka long beit ban shimti ia ka kam hikai kumba la dawa ka JACATAM”, la ong kine ki dkhot ka FAMASTA.
U Bah Kenneth Shadap na ka JACATAM u laong ba ka kynhun jong ki nonghikai da kawei ka sur ki la dawa ban shimti beit ia ka kam hikai da ka sorkar bad ym dei satia ban pynkiew tulop.
U la kynthah ia kiba thmu ban pyniapaid,da kaba ong, ‘Ngi kyrshan ia ka jingdawa ka JACATAM  bad ngim kwah ba ki nonghikai kin shah ialam bakla ne shah pynsngewthuh bakla”.
Ki nongmihkhmat na ka Meghalaya Upper Primary School Teachers Association (MUPSTA), All Meghalaya Adhoc Lower Primary School Association (AMALPSA),Khasi Jaintia Higher Secondary Adhoc Teachers’ Association (KJHSATA) ki la ai ia ka jingkyrshan ba tyngeh ia ka jingdawa ka JACATAM, kata ban shimti noh ka sorkar ia ka kam nonghikai baroh ha ka jylla.