Ka Indradhanush, ban khang lad ia 7 tylli ki jingpang

Shillong, 5 Jymmang: 
Ia ka Indradhanush Mission kaba la buh thong ban khang lad ia hynniew tylli ki jait jingpang la pyntreikam ha ka kylla kaba ar ha kane ka jylla.
Kane ka jingthmu ka long ban ai injekshon ia ki khynnah baroh ha ka jylla ban iada ia ki jingpang ba kynthup pynhiar (Diphtheria), jem shyieng (Polio), jyrhoh ksew (Whooping cough), Tetanus, jingpang tb (Tuberculosis), Niangpyrsit (Measle) bad Hepatitis B.
Ia kane ka prokram la pyntreikam mynta ka sngi ha Circuit House, Tura da u Pravin Bakshi u Deputy Commissioner, West Garo Hills uba dei u Chairman ka District Health Society, Tura. Ka Mission Indradhanush kan sdang naduh ka 7 tarik haduh 14 tarik Jymmang, 2015.
Ia kane ka jingialap paidbah ban khang lad ia kine ki jingpang la buh thong ban pynhuid haduh u snem 2020 ban pynioh injek ia baroh ki khynnah ha ka jylla.  Ia kane ka mission la pyntreikam da u myntri sorkar pdeng ba peit ia ka koit ka khiah u J. P. Nadda ha ka 25 tarik Nohprah , 2014.