Ka Indian National Congress kan trei shitom ban kyntiew ha Meghalaya

Shillong: U General Secretary jong ka North East Region u Luizinho Faleiro bad u Victor Keishing, Secretary Ka All India Congress Committee (AICC) ki la poi ha Shillong ban shim jing khein ia ka rukom trei kam ka party ha Jylla.
Haba ia kren bad ki nong pathai khubor ha kane ka jingialang u la ong ka party ka don hapdeng ki por ki ba jynjar ha Meghalaya wat ha ka Ri hi baroh kawei, hynrei haba ia dei bad ka jing ai vote ka Congress party ka la leh bha ha baroh ki Jylla ka thain shatei Lam mihngi.U la ai ka jing khublei kaba kyrpang ruh ia ki briew ka Meghalaya na ka bynta ba ki la iai kyrshan ia ka party.u la pynpaw ruh ka jingkhublei ia ki nongialam jong ka party ki ba la trei met bad mynsiem ban pynjop ia u Congress MP, U Ma Vincent Pala.
Ka Indian National Congress kan sa trei shitom ban kyntiew ia ka seng ha ki thain shatei lammihngi. U Luizinho Faleiro u la ong ka party kan sa trei kam kham bha ha kaba ki nongiarap jong ka party kin leit ha kylleng ki jylla, ban iarap ia ki jingeh jong ki paitbah jong ka Jylla.
U Luizinho Faleiro u la bynrap ruh da kaba ong ba ka Congress party kan iada ia ki hok bad ka jinglong kyrpang bad ka riti dustur jong ki briew ki ba na shatei lam mihngi.