Nongpoh: Mynta ka sngi kaba ka kynhun ki Nongialam Sengbhalang hapoh ka jylla, kiba kynthup ia ka KSU, FKJGP, HNYF, RBYF, GSU, AWYO bad ADE, ki la pynlong ia ka shong kyllain myngngor ha manla ki jaka ba long Sor ki District ka Jylla, ki la pynsawa jur ia shibun ki mat jingdawa sha ka Sorkar India bad kumjuh ruh ia ka sorkar Meghalaya.
Lah ruh ban kdew hangne ba ki mat jingdawa ba hakhmat eh da kitei ki Sengbhalang, ki kynthup naduh ka jingdawa ban pyntreikam noh ia ka Inner Line Permit (ILP) ne ban pyntreikam noh ia ka MRSSA 2016, ban pyntreikam noh kloi ia ki jaka talasi mynder (Entry bad Exit Point), ban pynrung noh ia ka Ktien Khasi ha Khyrnit ba Phra ha ka Riti Synshar jong ka Ri India, ban pynbeit ia u pud u sam bad ban pyrshah pyrshah ia ka Citizenship Amendment Act (CAA).
Haba phai ha Ri Bhoi, ka jingialum lang hapdeng ki Nongialam Sengbhalang, ka la long shisha kaba ishongkun, namar la iohi ba baroh ki heh Nongialam Sengbhalang bad kumjuh ruh na ki riew paidbah, ki la wan ban iashimbynta shitrhem, khnang ban pynkhlain ia ka sur jingdawa ban pynurlong noh ia kitei ki mat jingdawa, kaba ki Sengbhalang bad ki paidbah, ki la kwah ban urlong noh ha ka jylla.
Phi don ban ong eiei?