Ka ILP, ka dei kaba iadei bad ka ain, ong u heh BJP

Shillong:U Dr Chuba Ao, National Vice president ka BJP ha ka sngi balang, ha ba kynthoh halor ka jingpynslem jong ka sorkar pdeng ia ka jingdawa ban pyntreikam ia ka Inner Line Permit ha ka jylla, u la ong ba ka ILP ka dei ka kam kaba ia dei bad ka ain bad kumta um kwah ban kren eiei halor kane namar kane ka bynta ka dei ban don haka jingiatai sani bha.

U la ong ba ka sorkar pdeng kan hap ban bishar bha shuwa ban ai jingbit ban pyntrei kam ia ka ILP ha ka jylla Meghalaya, kin hap ban bishar bha ba la ka long ne em ka ba donkam ban ai ia ka ILP ha ka ne ka jylla Meghalaya bad ban shu ong mynta um kwah satia.

Haba buh jing kylli ba ka jingialeh ban ioh ILP ha ka jylla Meghalaya ka dei kaba la slem bad wat ha ka ingdorbar Thawain ruh la dep ban pdiang ia kane, hato ka BJP kan iarap ban pynioh ILP ha ka jylla Meghalaya, u la ong ba halor kane un hap ban peit bniah bha shuwa.U la ong ruh ba u donkam ban bishar bniah ba balei ba ki nongshong shnong ka jylla ki dawa ia ka ILP bad ban bishar ba lada la pyntreikam ia ka ILP ha kane ka jylla kan ktah ne em ia ka long ka man ha ka jylla.

U la ong ruh ba ka sorkar pdeng kan ym lah ban shu ai ILP khlem da bishar bniah bad ruh kan ym lah ban shu kyntait ia ka jingdawa ILP khlem da bishar bha.