Shillong: Ha ka jingpluh jong ka iingmane ka balang U Blei, hynnin ka sngi, la iohi, ba ka iing ka la ingkhong khait, hynrei ka don ka Baibl, ka bym shym la shah bam satia ha ka ding kaba la bam duh ia ka iingmane.
Haba U Rupang, ula iohi ia katei ka dur, ula kren ia uwei na ki nongialam katei ka balang, U bah Kost Sawkmie bad utei ula iathuh ba um shym la shon satai ia katei ka dur, hynrei ki don da kiwei pat kiba shon. Tangba u iathuh ba katei ka dur ka long kaba shisha bad katei ka kotbah, ka dei kaba ki la lap hynnin mynstep, ha phyllaw jong ka iingmane ha Qualapatty.
U Dr RB Dympep, Secretary ka Balang U Blei ha Qualapatty, u iathuh ha u nongthoh khubor, ba ki don shibun ki kot bah, ki kot jingrwai hapoh iingmane, tangba ia mynta kim pat lah ban iathuh la ki la ingkhong ne em, namar ba katei ka iing, ka dang don mynta ha ka jingtohkit jong ki pulit, hynrei u iathuh ba ki pla jing kynshew te ki la ingkhong lut bad hynnin ka sngi ruh, ha ka jaka jingiaseng ha phyllaw ka iingmane, la hap ban ia lum jing ai nguh da ki plastic.
Phi don ban ong eiei?