Ka iing, kaba ha ka dur ka bos bad ka iing; kaba u jumai bah, um lah ban pynkhyllem

Shillong:Ka Ri Khasi ka jong ngi ka dei ka Ri kaba la bna nam bha ha kylleng sawdong ka pyrthei namar ka jingdon jong ka ia ka jingbhabriew kaba lah ban pynshoh biej ia kat u ba wan la ka long ka jingitynnad jong ki lum ki wah ne ka suiñbneng kaba khuid khlir khlir ne ka lyer kaba khuid. Kawei na kita ki shnong kaba don ia ka jingitynnad ha ka kadei ka Sohra kaba dei ruh kawei na ki Nongbah jong ka Ri Khasi hynrei ka jingdon jong ka ding ilektrik pat ha katei ka shnong ka dei ka bym tikna satia.

Kane ka la pynlong ia kawei ka longïing kaba don ha ka dong dukan jong ka Sohra bad ia ki trai jong ka Vintage Inn ba kin buh da ka shakuriaw khnang ba ki nongwan donkam kin tied da katei ka shikuriaw bad ba ki trai pat kiba don shapoh ïing kin iohsngew. Ym tang katta ha ka Vintage Inn ngi lah ban iohi ruh ia ka ïing kaba la shna pynwandur kum ka bos kaba la ju iaid kamai ha ki phew snem mynshwa ha Shillong.

Katei ka Vintage Inn ka dei ka ïing shi mala kaba la shna naduh ka por jong u jumai bah. La iathuh ruh ba baroh ki ïing ha katei ka shnong ki lah khyllem lut ha ka por jong u jumai bah ba la jia ha snem 1897 hynrei tang katei ka ïing, ha katei ka por kaba khlem shym lah lei lei satia hynrei ka dang iai ieng beit haduh kine ki sngi kiba mynta ruh.