Ka iing jah ha Lachumiere

Shillong, 7 Nailur:
Ka Seng Samla Lachaumiere ka sngew lyngngoh ia ka jingleh thurmur jong ki bor sorkar ha kaba da ki snem ki bor ba halor ki lah bthah ia ka ophis jong ka MLMTU ban pyllait noh ia katei ka iing kaba don hajan ka ophis PHE, Lachumiere.
Ha ka kyrwoh ba la pynlait, u president ka Seng Samla Lachumiere u Bah Elton Cliff Warjri u la ong ba mynta katei ka iing lah shu ieh khongreng khlem da pyndonkam shuh iaka. Naduh bym don ba pyndonkam shuh ia kane ka iing sorkar, kane ka jaka ka lah kylla pynban kum ka ktem iadih kyiad and kiwei kiwei ki kam beain.
Ka seng ruh ka lap ba ia kane ka iing lah pyndonkam da ki briew byn don iing ban sah.
Ka Seng Samla Lachaumiere ka kyntu ia ki bor ba halor ba kin shim khia ban pynpra noh ia kane ka iing.
Haba iohi mynta ka jingdon jong kane ka iing ka lah pynkhapngiah ia ka surok khamtam ha ki por long trei. Lada pynpra ia kane ka iing la lah ban pynheh ia kane surok.