![](https://www.urupang.com/wp-content/uploads/2023/10/DSC00690-4.jpg)
Shillong:Ka iing, kaba la pluh kynsan ha ka step jong ka 14 tarik u risaw 2023 ha Thana road khyndai lad Shil long, ka la ingkhong lut baroh namar ka jingjur palat ka jingpluh.
Haba leit ban buddien ia kane ka khubor mynta ka sngi, ka 19 tarik u risaw 2023, la iohi ba kane ka jingtei, ba dei trai u Singhania ka la kyllon, hynrei ka shu neh satah ha syndah jong kawei pat ka jing tei, kaba don mar syndah.
Lah ban kdew ba ka jingnoh jong kane ka iing, ba pluh ha kawei pat ka iing, ka lah ban long ka jingma ka ba khraw ia ki paidbah ki ba iaid ba ieng na kane ka lynti.
Kum ban shu pynkynmaw ba kane ka jingpluh ka la sdang naduh ka por 1 baje nohphai sngi bad la ioh pat ban pynlip haduh ka por 7 baje mynmiet na ka daw ka jingjur palat ka jingpluh.
Ha kane ka jingpluh, la ioh jingtip ruh ba la don u wei u ba la iap u ba dei peit ia kane ka building.
Lah ban ong ruh ba kane ka jingpluh ka lah ban dei ka sien ka ba nyngkong ha nongbah shillong ban iohi ia ka jingpluh ka ba shyrkhei haduh ba ki pulit pynlip ding kim lah shuh ban pynlip tad haduh ban da wan iarap na ka liang ki shipai Airforce, bad ki shipai ryngkew.
Phi don ban ong eiei?