Ka Iewduh, ka phlim Khasi ba itynnad tam

Shillong: Ka Iewduh, ka la ioh ia ka nam jong ka phlim Khasi ba itynnad tam. Katei ka phlim, ka la ioh ia ka khusnam, ha ka jingsam khusnam mynta ka sngi, kaba dei ka jingrakhe kaba 67 jong ka jingai khusnam ia ki phlim, lane ka 67th National Film Awards, ha kaba U Venkaiah Naidu, Vice President ka Ri, ula long u kongsan.

Nalor shibun kiwei pat, U Rajnikanth, ula ioh ia ka khusnam Dada Phalke, kaba dei ka khusnam kaba heh duh ha ki kam ak phlim jong ka Ri, katba ka Kangana Ranaut, ka ioh ia ka khusnam, kum ka aktress ba tbit tam bad ka ioh ia katei ka khusnam, na bynnta ki phlim, kiba kyrteng ka Manikarnika (2019) bad ka Panga (2020).

Ka Iewduh, ka dei ka phlim, ba la thaw da U bah Pradeep Kurbah bad kaba la mih iew ha u snem 2019.