Ka Iew Polo kum ka Time Square ha New York:Mukul

Shillong, 10 Nailur:
U Myntri Rangbah ka jylla, u Dr Mukul Sangma u la ong ba ka sorkar kan pynlong ia ka Iew Polo kum kawei na ki jaka ba pawnam ka ban ia syriem kum ka Time Square ha New York jong ka ri Amerika.
“Ngin pynlong ia ka Iew Polo ka ban iakob bad ka Time Square”, la ong u Dr Mukul haba kren mynta ka sngi.
Mynta ka sngi, u Dr Mukul bad ka myntri tnad sor ka Kong Ampareen Lyngdoh ki la pynlong ia ka jingleit jurip ia ka Iew Polo kaba la pynpra ban sa shna kaba thymmai.
“Ngi la pynlong ia ka jingjurip ia ka Iew Polo, kane ka dei kan sa long kawei na ki iew ba paw ban khring ia ki briew”, la ong u Dr Mu kul bad bynrap, ba ka sor kar mynta ka dang pyn khreh shaid shaid ban shna dur ban pynitynnad ia ka.
Katkum ka jingong jong u Dr Mukul, hadien ba la dep ban tei ia katei ka iew, ki paidbah khamtam ki nongshong shnong na thain Jaiaw, Mawkhar, Wahingdoh kin nym treh shuh ban leit sha Khyndai Lad hynrei kin pynnoh beit ia la ki kjat sha Iew Polo.
“Kumba long mynta ka Iew Polo ka long kum ka kyrpong iing ia ki briew basah ha ka thain Jaiaw, bad kane ka la pynngiah ia ki ban leit sha Polo bad ki kham suk bad kham jan sha Khyndai Lad”, la ong u Dr Mukul.
U la ong ba ka sorkar ka la plan ban tei ia ka iew Polo kaba thymmai ha ka jinglut kaba T.20 klur eiei bad ka kam kan iaid shaid shaid ban pyndep ia ka.
Ha kawei ka liang, u la ong ba kawei pat ka thong jong ka sorkar ka long ban pynlong ia ka jylla Meghalaya kaba tip top ha ki lad jingsumar sukher.
“Naduh lashem snem, ngan iathuh iaphi, ba ka jylla Meghalaya kan long kawei na ki jylla ba don ki lad jingsumar kiba bha tam”, la ong u Dr Mukul.