Shillong:Ka Hills Farmer Union (HFU), hapoh ka jingialam ong u bah Commander Shangpliang President bad u bah Allfondbirth Kharsyntiew, General Secretary ki la pynpaw ia ka jingaikhublei ia ka tnad ka rep ka riang (Horticulture), ka Agriculture Marketing Board jong ka sorkar jylla bad kumjuh ruh ia u MLA ka Mylliem Constituency bah Hamlet Dohling, kiba la shimkhia ia ka jingdawa jong ka seng ban plie noh ia ka iew die jhur bad iew die soh jong ki Nongrep kaba don ha Upper Shillong 5mer.
Halor kane ka bynta na ka liang jong ka seng ka kyntu ia ki nongrep kiba kwah ban wan die ia ki jhur lane ki soh ha katei ka iew ba kin iakynduh ia ki nongialam jong ka seng. Ha kane ka iew kan nym don ka jingot kilo kumba la leh ha Iewduh bad kan nym don ruh ka jingkhrong bai musur na ki nongrep bad ka seng kan peit ban nym ailad ia kane. Ha ka juh ka por ka seng, ka la kyntu ruh ia ki nongkhaii jhur kiba kwah ban wan thied jhur na kane ka iew ba kin wan sha kane ka iew na ka bynta ka jingiadie iathied. Ka seng ka pyntip ba kino kino ki nongrep kiba kwah ban die jhur lane ki nongkhaii kiba kwah ban wan thied jhur ba kin phone ha ki nongialam ka seng 8974071503, 8837287374.