Ka iew Khyndai Lad ka dei ka iew die shana ki khar rynjaw

Shillong, 24 Naitung:
Ka iew Khyndai Lad ka dei kawei na ki iew ka ba pawnam tam ha ka jylla Meghalaya hynrei haba peit ia ka jingkylla jong kane ka iew la iohi ba ka la kylla ka iew die shana.
Kane ka iew mynta ha ba peit la iohi kum ka iew luri lura namar la bun tang ki khar ki ba la ia shong pathar ha madan jong ki lynti synkein jong ka surok. Mynshwa ka Khyndai Lad ka dei kawei na ka iew kaba itynnad bha ha kaba bun na ki briew kiba wan jngoh kai pynthei ki ju wan iuh kjat ha kane ka iew namar ba ka long ka iew kaba pdeng ha kane ka jylla hynrei ha ba peit mynta ka jingitynnad jong ka iew Khyndai Lad mynta ka la shu pulom lut tang namar ba la shu iashong iaieng die pathar ha ki lynti synkien.
Nalor ba katei ka iew Khyndai Lad ka long ka iew kaba khapngiah hynrei mynta ka dang kham palat shuh shuh ka jingkhapngiah namar ha ba phai sha ka diang bad ka mon ngin iohi tang ia ki nongdie madan kiba la pynkhapngiah shuh shuh ia ki surok ki lynti synkein iaid jong ki paidbah.
Kane ka jinglong jong kane ka iew ka pyni ia ka dur ka dar jong ka ha ki briew kiba wan nabar hynrei ia ki trai shnong la long myllen.