Ka iew ba heh tam ka dong mihngi ha Ampati, ong U Mukul

Shillong,10 Jylliew:
U Myntri Rangbah ka jylla u Dr.Mukul Sangma mynta ka sngi u la plie paidbah ia ka iew kaba la tip kum ka Integrated Farmers Market Complex ha Ampati, ka nongbah jong ka South-West Garo Hills,
Haba kren ha katei ka jingialang u Myntri Rangbah u la ong ba ka kane ka iew ka dei kaba nyngkong ha ka Thain shatei Lam Mihngi baroh kawei, kaba shna ha ka jinglut kaba haduh T.17 klur tyngka kaba la bei tyngka da ka tnad Horticulture.
Ula ong ruh ba ka sorkar kan thaw shuh shuh ia bun ki lad ki lynti ban wanrah ia ka roi ka par ha ka jylla bad katei ka iew kaba la thmu ban pyndep tang hapor ka 24 bnai ia katei ka iew kaba don haduh 546 tyli ki kamra kaba yn pynbit pynbiang da ka Horticulture department ha ryngkat ka jingiatreilang bad ka Garo Hills Autonomous District Council (GHADC).
U Myntri rangbha u la ong ruh ba shen yn sa plie ia ka jaka ai jinghikai ia ki nongrep jong ka thain Garo da kaba un plie ia ka jaka ai jinghikai ha Sang sanggre, Tura.
Kham mynshuwa ia kane u Dr.Mukul u la plie ia ka Centre of Excellence kaba hap hi hapoh ka tnad Horticulture department ha Malchapara kaba hap hapoh ka Betasing Block. U la pyntip ruh ba kane ka Centre ka kynthup ia 25 hectares ka khyndew kaba la ai sngewbha da u Binjeng B Marak, Nokma jong ka Malchapara A’king land.
Kiwei pat kiba la ai jingkren ha ktei ka sngi ki kynthup ia U Myntri ka tnad kam ialehkai ka sorkar Jylla, U Zenith Sangma, u myntri bor ding, U Clement R Marak, Ka Chairman of the Resource Mobilisation and Employment Generation Council, ka Dikkanchi D Shira bad U CEM ka GHADC, U Alphonse A Sangma.