Ka iarong pisa ka jylla ka dang biang, ong u bah Prestone

Shillong: U Symbud Myntri Rangbah ka jylla u bah Prestone Tynsong u la ong ba ka iarong pisa ka jylla, ka dang biang bad kam don kano kano ka jingkyrduh tasam.

Haba kren myn hynnin ka sngi, u bah Prestone u la ong ba ka donkam ban sngewthuh ba ka sorkar pdeng kam pat mynjur ne pass ia ka mang tyngka mynta u snem bad kam dei tang ia ka Meghalaya hynrei ha ka ri baroh kawei.
“Hadien ba la pas ka parliament ia ka mang tyngka, ki jylla kin sa ioh ia la ka bhah”, la ong u bah Prestone.
U la ong ba ka mang tyngka kaba pura ym pat pas da ka parliament wat la dep ban leit rah ia ka ha parliament bad ka jingpdiang ia ka mang tyngka kan sa long shen bad hadien ki bhah jong ki jylla kin sa poi.