Ka HYC ka pynkhein ia ka hukum, ong u SP

Shillong, 29 Jymmang:
U SP ka East Khasi u Bah M Kharkhrang u la ong ba ka HYC ka la pynkhein ia ka hukum da kaba pynlong jingialang palat ia ka por ba la buh bad ruh ban iaid paidbah sha jaka shah thngan u CEM barim ka KHADC u Bah Adelbert Nongrum haduh ba ki pulit ki hap ban pyni bor.
U SP u la ong ba kat kum ka hukum ka HYC ka dei ban pynkut ia ka jingialang hapoh 3 baje hynrei ka la pynwai haduh 4:45 baje janmiet bad nalor kata, ki la pynlong ia ka jingiaid paidbah kaba khlem ai bor da ka bor synshar district.
Kane ka jingpynshai u SP ka long hadien ba la mih ka jingshah kawut lathi ki paidbah ki long kmie ha ki pulit hynne ka sngi ha ka por ba ki thmu ban leit sngew lem sha ka jaka shah thngan jong u Bah Nongrum kaba don ha jan ka Shillong Civil Hospital.
U la ong ba kawei ka pulit kynthei ka la mynsaw na ka jingshah niat ha ki paidbah ba iaid ha katei ka por haduh ba la hap ban pyndonkam da ki lathi.