Ka HNLC, kam shym khot pakhang shnong sngi laitluid?

Shillong, 13 Nailar:
Ka mih ka jingkylli ha uba bun balang, la ka HNLC, kan khot pa khang shnong ne em lashai ka sngi laitluid jong ka Ri India, kumba ki ju leh man la u snem.
Ha ki snem ba ladep, katei ka seng, ka ju pynmih khubor shaphang ka jingkhot pakhang shnong jong ka, la kumno kumno ar sngi shwa jong katei ka sngi rakhe laitluid bad kata ka long ha shwa ka 13tarik Nailar 2013.
Tang mynta u snem, ym shym la ioh ia kano kano ka kyrwoh khubor , na U bah Sainkupar Nongtraw, uba ju dei u ksiang jong katei ka seng,ha ka kam pynphriang khubor.
U Rupang, ula peit ha ka peij facebook, kaba U bah Nongtraw, u shait kren halor kiba bun ki mat, kiba u sngew dei, hynrei, la iohi, ba um shym la thoh eiei ruh em shaphang ka jingkhot pakhang shnong jong ka HNLC lashai ka sngi, kaba dei ban sdang naduh shibit janmiet (lada ka long kumba ju long ha ki snem ba ladep).