Ka GTC, ka dei ban kynriah sha jaka lajong

Dei ka GTC kaba wan tam pud sha surok PWD.
Balei ka GTC kaba dang wan pynieng gate ha surok PWD ban leit sha Mawshbuit mynta dang ha u snem 1984, kam leh kumba leh ka Assam Regiment Centre (ARC) bad Assam Rifles (AR), kiba pynieng ia ki khyrdop jong ki ha ki jaka rung-mih lajong, kumba leh ruh ki shipai 101 Area bad ki Air Force ha ka surok bah Upper Shillong.

Ka AR kaba la don ha ri India naduh u snem 1835, ka ARC ha u 1941 ha ri India bad ha Shillong ruh, ki burom ia ki paid ka ri lajong, nalor ba la seng ia ki naduh ki por Phareng. Kane ka GTC lei kaba dang mynhynnin lada ianujor bad kitei ar lane bad ka shnong Mawshbuit ruh kaba la don da ki spah snem, katkum ka jingsakhi ki nongshong shnong, hynrei ka pynmih jingkulmar pynban man ka por.

Nga la ai jingthoh sha u Chief Minister Conrad Sangma ban weng shisyndon ia katei ka gate da ka bor Sorkar lane da ka bor ain, lym kumta ki jingiakhih paidbah kin kham shyrkhei. Ka GTC kan hap ban pynbeit ialade, namar ka don la ki jingthmu bun syrtap, ym kum ki nongiada ia ka Ri bad ia ki paidbah.

Sd/

B.M.Lanong