Ka GST kan treikam naduh u Naitung ban wan, ong u Myntri

Shillong, 21 Lber:
U Myntri ka tnad khajna ka jylla u Zenith M Sangma u la ong ba ka Goods and Services Tax (GST) kan treikam naduh ka 1 tarik Naitung mynta u snem ha Kane ka jylla.
Haba jubab ia ka jingkylli mynta ka sngi ha ing dorbar ba la wanrah da u MLA u Winnerson D Sangma, u Myntri u la ong ba ka sorkar ka la buh thong ban py treikam naduh u Naitung tangba ia ka rai ba khadduh yn shim da ka GST council halor Kane. “Ka GST kan ai jingmyntoi shibun ia ka jylla”, la ong u Myntri.
U la ong ba ka GST ka dei ka khajna kaba la rai ka sorkar pdeng ban pynkylla dur ia ka rukom shim khajna ha ka ri baroh kawei kaban mih bujli noh na baroh kiwei ki rukom shim khajna ba mynshwa.
Ka GST kan lum khajna na ka Excise duty, service tax, custom, VAT, sale tax, bad kiwei.
“Baroh ki jinglum khajna yn hap lut ha ka GST ha kaba kan weng ia ka jingtlot ha ka rukom lum khajna ba mynshwa bad kan weng ia ka jingktah na ka jingkiew dor ki mar ki mata”, la ong u Myntri.