Ka General Meeting cum Social Meet kaba 59 jong ka Seng Nongjri

Shillong:Ka seng Nongjri, Shillong kaba la seng naduh u snem 1963 ka la pynbna lyngba ka Press Release ba kan pynlong ia ka General Meeting Cum Social Meet kaba 59 ha ka 29 tarik Risaw 2022 ha KJP Assembly Conference Hall, Shillong naduh ka por 1 baje nohphai sngi, bad ha katei ka jingialang ka Seng kan ai khusnam ruh ia ki khynnah pule ka shnong Nongjri kiba la lah ban ioh ia ki marks kiba heh ha ki jingialeh examin kum SSLC, HSSLC bad ki Degree kiba na duh u snem 2020, 2021, 2022 kiba dei na ki School, College, University lane ki Institution bapher bapher.

Ka Seng Nongjri ka khot bad iawer ia baroh ki para shnong Nongjri kiba shong basah shabar ka Elaka Nongjri ban ia wan khnang sha kane ka jingialang, khnang ba kane ka General Meeting cum Social Meet kan long kaba jop.