KA FOLIC ACID: Ki dak jingshitom kiba paw lada duna ka folic acid bad ki jingbam kiba long ki thymmei jong ka Folate

Kong Linda Kongwang

Ki jingbam kiba ngi ju bam ki kynthup haki ia shibun ki Vitamin, minerals bad ka met jongngi ka donkam iakine ki Vitamin, minerals bad ki nutrients halor ka jinglah jongka met ban treikam bha. Ki don bun jait ki Vitamin hakaba ka Folate la ju shim ba kalong kawei napdeng ki Vitamin kiba kongsan naka bynta ka jingkoit jingkhiah jongka met. Ka Folate kham bunsien laju tip ruh kum ka folic acid ne ka Vitamin B9. Ka Folic Acid kadei kaba lah ban ioh lyngba ki dawai bala shna da u briew kiba iarap ban pynbiang iaka jingdonkam haka met u briew.Ka jingdon kane ka Vitamin kalah ban iakhun pyrshah ia kiba bunjait ki jingpang khamtam iaki jingmong ne ka jingthut hapoh ka met.

KA JINGDONKAM BAN DON IA KA FOLIC ACID
Ka folic acid kalong kaba kongsan halor ka jingkoit jingkhiah hapoh ka met. Ka ju don ka jingai jingmut da ki riew shemphang jongka tnat ka koit ka khiah naka bynta ki kynthei kiba armet ba kin pynbiang iaka jingdon ka folic acid haka met naka bynta ka jingkoit jingkhiah jong I khunlung ba dang pun. Lada ki longkmie kiba armet ki duna ban don iaka folic acid, kalah ban buh jingma shibun iaka kmie bad ki khunlung ba dang pun khamtam kan ktah jur iaki khunlung haki bynta jong u budlum bad ka jabieng. Ban sngewthuh la phi duna ne em ban iaka folic acid, kalong kaba donkam ban sngewthuh iaki dak jingshitom haka met.

KI DAK JINGSHITOM LADA DUNA KA FOLIC ACID HAKA MET.

1. KA JINGSNGEW TLOT KA MET:— Ka jingduna ki Vitamin bad ki nutrients haka met ka ktah shi katdei eh iaka bormet jongngi bad kane ka jia ruh kumjuh lada duna kane ka Vitamin haka met. Lada ka folic acid ka duna, phin mad iaka jingsngew tlot bad thait ka met watla phim trei ei ei ruh baroh shisngi. Kane ka jingshitom kalah ban ktah iaka jingim ba manla ka sngi bad kane ka buh jingeh shibun khamtam haba dang armet.
2. KA JINGLONG RBEN BAD TYRSAIN KI KTI KI KJAT:— Ka jingduna ka folic acid haka met kalah bah pynlong rben bad tyrsain ki kti ki kjat kaba pynthut shikatdei eh iaka met hi baroh kawei. Phi donkam ban shimkhia bad pynleit jingmut halor kane ka jingshitom ban lait naka jingsuhthied kine ki jingshitom sha kiwei pat ki bynta jongki dkhot met namar bunsien ngi ju leh kiar na kine ki jait jingshitom.
3. KA JINGSHAHKTAH KA BOR JABIENG:— Ka jingshahktah haka rukom treikam ka bor jabieng kum ka jingklet biej, la jingbymlah ban pynleit jingmut ha kiwei pat ki kam ka buh jingma iaka jingim ba manla ka sngi jongphi bad ka daw halor kine kadei ka jingduna ban don ka folic acid haka met. Haba iakynduh kum kine ki jingshitom, pynthikna ban phah jurip beit beit shaki doktor naka bynta ka jingkoit jingkhiah jongka bor pyrkhat.
4. KA JINGSHAHKTAH KI KHMAT:— Kane kadei kawei naki jingeh kiba pynsum tliew iaka jingim baroh shijingim. Ka khmat kadei ka dkhotmet kaba kongsan tam kaba phi hap ban sumar bha. Ka jingshahktah ki khmat naki jingthaba bad bymlah ban iohi shai kalah ban mih naka daw ka jingduna ban don ka folic acid haka met. Pynthikna ban phah khmih haki doktor halor kane ka jingshitom bad ruh phah jurip halor ka jingdon kane ka Vitamin.
5. KA JINGPANG HAKI BYNTA JONGKA SHYNTUR:—- Kane kadei kawei naki jait jingshitom kaba buh jingeh shibun iaka jingkoit jingkhiah jongka met khamtam hapoh ka met. Ka jingpang haki bynta jongka shyntur kum ha u thylliej, ka jingpang ki dohbniat, bad la jingdom ki jingmong haka shyntur ka pyni halor ka jingduna ban don iakane ka Vitamin (folic acid) haka met. Lada phi mad iakine ki jingshitom khlem kano kano ka daw,khlem artatien phah khmih haki doktor naka bynta ka jingdonkam bad ban don kane ka Vitamin.
   Naka bynta ban don iakane ka Vitamin, phi donkam ban pyrshang bam da kine ki jingbam harum kiba long ki thymmai jongka Folate naka bynta ka jingkoit jingkhiah jongka met.
6. KI JHUR SLA JYRNGAM:— Baroh ki sla jhur jyrngam ki don haki iaki Vitamin bapher bapher bad ki sla jhur kum u palong, tyrso, ki sla Phil kubi bad kiwei de laju tip baki long ki thymmai haka jingdon ka Folate ne ka Vitamin B9.
7. U SOHJEW:—- Une u soh u shim iaka bynta ba kongsan halor ka jingtreikam kane ka Vitamin bad la ju tip bha ba u ne u soh u lah ban pynkhuid iaki snier tylliat jingbam bad sait khuid iaka snam namar u don kyrhai ka Vitamin C, ka antioxidants bad u lah ban ialeh pyrshah iaka jinglong tyrha hapoh ka met.
8. KA DOH:— Bun nangi ngim tip hynrei ka doh ruh ka rewspah halor ka jingdon kyrhai ka iron bad ka Folate. Ki don khuslai, kidohjem bad dohnud ki long ki thymmai jongka jingdon kane ka Vitamin B9.
9. U SOH NIAMTRA:— Une u soh u don kyrhai ia kane ka Vitamin kaba lah ban ialeh pyrshah ne ban pynduna iaka jingdon ka homocysteine kaba buh jingma halor ka jingngat haka jingpang klongsnam. Une u jait soh u lah ruh ban iarap pyllait na shibun kiwei pat ki jait jingpang khamtam iaka blood pressure namar u don kyrhai ka potassium ha u.
10. U JHUR BRUCCOLI:— Une u jait jhur udei uwei naki jait jhur uba ai jingmyntoi halor ka jingkoit jingkhiah jongka met. U don kyrhai ka Vitamin C, K bad ka Folate kiba iarap aibor halor ka jingtreikam ka bormet, pynkhlain iaki shyieng bad ka jingdon ka Folate ha u ne u jhur ka iarap halor ka jingheh jingsan jongki cell. Udei ruh uba lah ban ialeh pyrshah naka jingshahktah haka jingpang bampong daka jingdon ka glucosinolate compounds kum ka sulforaphane bad ka glucoraphanin.
11. KA KAIT:— Ka kait ka dei kaba rewspah kynthei tam ban don ia bunjait ki Vitamin bad ki minerals kumka potassium, magnesium, manganese, iron, niacin, riboflavin, ka B6 bad ka Folate kiba lah ban iakhun pyrshah ia kino kino ki jingshitom hapoh ka met. Khublei.