Ka Finland, ka ri kaba suk tam ha pyrthei, kham jynjar ki nong India, ia ki nong Pakistan

Helsinki: Ka Finland, ka dei ka ri kaba suk tam ha ka pyrthei bad katei ka Ri, ka ioh ia katei ka nam, ha kas sien kaba san, katba kum ka jingwad jingtip ka United Nations bad ka Afghanistan, ka dei ka ri, kaba jynjar tam, lait noh ka Lebanon.

Ka India, ka don ha ka kyrdan kaba 136 bad ka kham hiar shibun, ban ia ka Pakistan, kaba don ha ka kyrdan kaba 121. Katei ka jingkhein, ka dei ha shwa jong ka jingkhie ka thma ha Ukraine.

Ka Bulgaria, Romania bad ka Serbia, ki dei ki ri kiba shongsuk shongsain tam bad ki ri kiba im jynjar tam, ki dei ka Lebanon, Venezuela bad Afghanistan, katba kum ka jingkhein, kaba la pynmih ha ka sngi thohdieng. Ka jingjynjar ka Lebanon, ka dei namar ka jinghiar ka ioh ka kot kaba jia ha katei ka ri.

Katei ka jingtohkit jong ka UN, ka dei kaba la tip, kum ka World Happiness Report, kaba la wad jingtip, mynta la shiphew snem kynthih, da kaba wad jingtip, halor ka jingsngew jong ki paidbah ha kitei ki Ri.